بیرشفاکار توصیه لری؛ قرنطینه ده نمه ایشلرنی بجریش میز ممکن
neshananews
09 April 2020
کون اوتیشی بیلن کرونا ویروسی نی یوقتیرگن لر سانی مملکت ده آرتیب بارماقده و دولت هم قرنطینه نی عملی لشتیریش اوچون کیسکین قانون لرنی قول اوستیده آلگن. مملکت نینگ کتته شهرلری جمله دن کابل، هرات و مزارشریف قرنطینه بولگن. امنیتی قوتلر هرکونی بو قرنطینه دایرسی نی قیسقرتیریب و اهالی هم اویلریده قالیش ده مجبور بولگن لر. اویده قالیش ایریم کسبه کارشخصلراوچون قیینتچلیک لر یرتکن . شو سبب دن ایریم شفاکار و روحی خسته لیک لر متخصص لری اویده قالگن کیشی لر، خسته لیکلرینی برطرف ایتیش اوچون بعضی توصیه لرنی تکلیف ایتکنلر.
محمد نادر طاهری جوزجان ولایتی نینگ مشهورشفاکارلریدن بیری دیر.اواوی لرده قرنطینه بولگن کیشی لر و روحی ساغلیک نی رعایه ایتیش اوچون بوندای توصیه قیلگن:« بخت گه قرشی وطنداشلری میزدن کوپ کیشی لر روحی خسته لیک لرگه دچار دیرلرو عینی حالده موسومی کسللیک لرهم حاضرچه کوپیگن. بعضی شخص لر ازگینه یوتل یا عطسه گه دچار بولسه لر کرونا ویروسی نی یوقتیرگن میز دیب تشویش لری کوپیدی.»
دکترطاهری کروناویروسی حاضرگی عصرنینگ اینگ خطرلی ویروسی ایکنی نی تصدیقلب اما بو کسل لیک نی جدی توتیش اوندن بیحد قورقیش و تشویش ده بولیش ایمس دیدی. اونگه کوره بو یوقمه ویروسی نی جدی توتیش یعنی ساغلیک نی سخلش توصیه لرنی عملی قیلیش و باشقه لردن اوزاقلش دیر.
اوزی و عایله اعضاسینی قرنطینه قیلگن داکتر طاهری دیدی؛ روحی نظردن حاضرچه مردم ایککی دسته گه بولینگن لر.بعضی لربو ویروسی قورقیشی دن دهشت گه توشیب وبعضی لرایسه اخبارات واسطه لرآرقلی بوله یاتکان تبلیغات لرگه قره می اصلاٌ بو ویروس نی جدی توتمگن لر و اوتمیش کبی کونده لیک ایشلری بیلن بند دیرلر.
طاهری جنابلری ساغلیک نی سخلش شخصی توصیه لررعایه ایتیلشی دن سوزلب دیدی:« بیران ضروری ایش تاپیلگنده یالغیزاوزیم بازارگه چیقه من و اویگه قیتیب کیلگنیم ده هیچ نرسه گه قول اورمی من. حتی اوی ایشگی نی اوغلیم آچه دی و مین اتاق گه کیرگنیم دن آلدین دروازه دستگری، ایاغ کیمیم و کیم لریم نی ضد عفونی قیله من.»
داکترطاهری کرونا ویروسی دن قورقمه یاتکان کیشی لرجمله سیدن دیر، اما ساغلیک نی سخلش اصوللرینی بوتکل رعایه ایته دی. باشقه تماندن میوه و سبزوات بازاریگه بارگنده کوپلب دوکاندارلر ساغلیک نی سخلش اصوللریدن هیچ نرسه بیلمی دیلرو بو اصوللرنی رعایه هم ایتمیدیلردیدی.بعضی لرهم مردم تمانیدن بیران مناسبت کورستیلیشی اوچون ماسک و دستکش دن استفاده قیلمی دیلر، بو موضوع کرونا ویروسی ییریلیشی گه سبب بولیشی ممکن دیب اگاهلنتیرگن داکتر طاهری.
بوشفاکار بو خطر لرآلدینی آلیش اوچون قویدگی تکلیف نی اورته گه قویدی، بلدیه لر دستفروش و ارابه دارلرنی ساغلیک نی سخلش اصوللریدن آگاهلنتیریشی لازم واولرنی ایش زمانیده ماسک و دستکش دن استفاده قلیش ده مجبورایتیشی کیرک.بو متخصص گه کوره بو وضعیت سبب خریدارلرهم ماسک و دستکش دن استفاده قلیش گه مجبور بوله دیلر.
اما روحی جهتی دن خانه نشین لیک، اویدن تشقریده ایشله یاتکان کیشی لرگه کوپ قیینت دیرو بو مساله بعضی شخص لراسترسی نی کوپیتیریب و روحی معمالرگه دچارقیلگن.بو خصوص ده داکتر طاهری دیدی:« مین کوپراق بیمارلریم بیلن موبایل آرقلی تماس اله من و فقط ضرور بولگن حالت ده اولر بیلن یقین اوچرشه من و باشقه وقتیم نی موسیقی تینگلش، باله لربین اوینش و طبی کتابلرنی مطالعه قیلیش و گل لریم دن مراقبت قلیش ده اوتکزه من.» داکترطاهری نی ایتشیچه موسیقی تشویش و استرس نی برطرف ایتیش اوچون اینک ثمره لی وسیله دیر و بو ایش روحی خسته لیک لرنی برطرف ایتیب بدن نینگ مدافعوی سیستیمی نی قوللب قوتلش ده یاردم بیره آله دی.
جوزجان ولایتی یشوچیلری کرونا ویروسی تهدیدلرینی برطرف ایتیش اوچون عنعنوی و مذهبی ایش لردن هم فایده لنماقده لر.مردم بو یوقمه کسللیک دن امان قالیش اوچون ختم وعمومی خیرات لریولگه قویگن لر. بو ایش نه فقط جوزجان ده بلکه مملکت نینگ باشقه ولایت لریده یولگه قویلگن.
اما ساغلیک نی سخلش متخصص لری، مردم، عمومی مراسم لری یولگه قویلیشی دن وازکیچیش لری لازم لیگی توصیه قیله دیلر، چونکه کرونا ویروسی شندای یغین لرده بیرشخص دن باشقه بیر شخص گه یوقیشی ممکن دیدیلر.
باشقه تماندن کرونا ویروسی نی یوقتیریش دن تشویش ده بولگن جوزجان ولایتی ایریم یشوچیلری،اویلرینی ضدعفونی قیلیش اوچون آقرتیروچی ماده یا« وایتیکس» دن استفاده قیلماقده لر.مردم بوطریقه بیلن ویروس نابود بوله دی دیب توشینگنلر.
اما شفاکارمحمدنادرطاهری بو حقده دیدی:« سوگه قوشیلگن وایتکس دن اوی ایچیده استفاده قلیش ناتوغری دیر چونکه بو ماده گه بولگن بیرتورگاز اوپکه گه صدمه یتکزه دی.» او بو ماده دن فقط حویلی و کوچه لر و اوستی آچیق جایلرده استفاده قیلیش یخشی دیدی.داکتر طاهری جنابلری تاکیدله یاتکان مهم موضوع کرونا ویروسی گه نسبتاٌ اعتبارسیزلیک و اوندن بی حد قورقیش ارا هماهنگ لیک و تعادل ایجاد ایتیش دیردیدی.اونگه کوره« قرنطینه بولگن زمان ده اوزی میز و عایله میز ساغلیک نی سخلش گه جدی دقت اعتبار قرتیش میز لازم یا ساغلیک نی سخلش اصوللرینی رعایه قیلیب قرنطینه گه اعتبارسیز بولیش دن وازکیچیش میز لازم.» بو متخصص توصیه قیله دی بو ایککی عمل بیربیرونی مکمل لشتیروچی دیرو ایککونی رعایه ایتیشی میز لازم دیدی.اوعینی دمده قرنطینه ده کون کیچیره یاتکان کیشی لراسترس و عصبی باسیملرگه غلبه قیلیشلری کیرک لگی نی تاکیدلب، استرس بدن نینگ مدافعوی سیستمی گه صدمه یتکزیشی ممکن دیدی.
هرچند کرونا ویروسی ایریم حالت لرده اولیم خطری بیلن یولداش اما بو ویروس نی یوقتیرگن کوپلب کیشی لر قیته ساغلیک لرینی حاصل قیلگن لر. افغانستان عامه ساغلیک وزیرلیگی نشرایتکن معلومات لرگه کوره حاضرگه قدر مملکت نینگ ۳۱ ولایتی ده ۴۴۴ کیشی کرونا ویروسی نی یوقتیرگن. بو رقم دن ۱۴ کیشی سی عالم دن اوتکن و ۳۱ کیشی هم ساغلگن.کرونا ویروسی نی یوقتیریب قیته ساغلگن کیشی لرنی ایتیشلریچه کرونا ویروسی گه قرشی کورش نینگ اینگ فایده لی یولی استرس و قورقیش گه غلبه قازانیش دیر.
