بیرلشکن‌ملتللر‌تشکیلاتی نینگ طالبان بۉییچه مخصوص وکیلی: تینچلیک مذاکره‌لریگه اوستوار اهمیت بېرینگ
neshananews
06 July 2021بیرلشگن ملتلر تشکیلاتی نینگ افغانستانده‌گی وکالت‌خانه‌سی، یونامانی اعلان قیلیشیچه، بو دفتر نینگ باشلیغی و بیرلشکن‌ملتللر‌تشکیلاتی نینگ افغانستانده‌گی مخصوص وکیلی دېبورا لیانز قطرده طالبان هیایتسی بیلن اوچره‌شگن.
یوناما نشرایتکن خبرنامه‌سیده یازیشیچه، اوچره‌شوو کېچه (دوشنبه ۱۴ سرطان) توشدن سۉنگ قطر پایتختی دوحه‌ده بۉلیب اۉتکن. تمانلر افغانستانده تاباره کوچه‌ییب باره‌یاتگن زۉروانلیک سببلری و افغانستان حکومتی و طالبان اۉرته‌سیده تینچلیک مذاکره‌لرینی قَیته باشلش و تېزلشتیریش ضرورلیگینی محاکمه قیلدیلر.
خبرنامه‌گه‌کۉره، بیرلشکن‌ملتللر‌تشکیلاتی نینگ افغانستانده‌گی مخصوص وکیلی طالبان نینگ مذاکره‌لر گروهینی تینچلیک مذاکره‌لرینی بیرینچی ا‌ۉرینگه قۉییشگه چقیردی. تشکیلاتگه کۉره، تینچلیک مذاکره‌لری افغانستانده‌گی اوروشنی توخته‌تیش نینگ یگانه یۉلی دیر.
یقینده طالبان بوتون مملکت بۉیلب زۉرآورلیکنی کوچه‌یتیرگن. سۉنگگی ایکّی آی ایچیده افغانستاندن خارجي قوتلرنی چیقیشی باشلنگنده، طالبان اساسي اعتبارنی مملکتده کۉپراق موقعگه اېگه بۉلیشگه قره‌تکن.
