تاجیکستان چېگرهلریده طالبلر حرکتی نینگ کوچهییشی؛ روسيه و تاجیکستان جمهوررییسلری تېلفون آرقهلی گپلشدیلر
کرېملین، روسيه جمهوررییسی ولادیمیر پوتین، تاجیکستان جمهوررییسی امامعلی رحمان بیلن تېلفون آرقهلی صحبتلشگنینی اعلان قیلدی. کرېملین نشرایتکن خبرنامهسیده بو تېلفون صحبتی کېچه توشدن کېین ( دوشنبه ۱۴ سرطان) صادر بۉلگنلیگینی یازگن.
افغانستان-تاجیکستان چېگرهسیدهگی خوفسیزلیک حالتی روسيه و تاجیکستان جمهوررییسلری نینگ بحث موضوعسي بولگن دېییلهدی کرېملین خبرنامهسیده.
بیاناتده ایتیلیشیچه، روسيه جمهوررییسی مملکت نینگ جَنوبي چېگرهلرینی خوفسیزلیگینی تأمینلش اوچون تاجیکستانگه هر قندهی حربي یاردم کۉرسهتیشگه تیارلیگینی اعلان قیلگن.
کېچه تاجیکستان حکومتی افغانستان بیلن چېگرهحدودلریده ۲۰ مینگدن آرتیق حربي خدمتچیلرینی جایلشتیردی. اوشبو حرکت طالبلر یقینده تخار، بدخشان و کندز ولایتلریدهگی بیر نېچه تومنلرنی اېگهللب آلگنیدن و یوزلب افغان عسکرلری تاجیکستانگه قاچیب کېتگنیدن کېین عملگه آشیریلماقده.