تخار ولايتي مسووللريگه كوره اوغيرلنگن بو باله تخار مركزي تالقان شهريدن اختطافچي لر چنگاليدن قوتقريلگن.
تخار پوليس سوزچيسي خليل اسير، مرتضا ناملي بو اوچ يشر باله هيت بيرينچي كيچه سيده اويي يقيني دن اوغيرلنگندي ديدي.
تخار پوليس سوزچيسي ني معلوم قيليشيچه بو باله بوكون ( يكشنبه ٢٦ ثور) امنيتي قوتلرنينگ بير مخصوص عملياتي نتيجه سيده اختطافچي لر چنگاليدن قوتقريليب عايله سيگه تاپشيريلگن ديدي.
اسيرجنابلري علاوه ايتي بو باله ني اوغيرلش عيبلوي بيلن تالقان شهري “زرگري” قشلاقي يشوچيسي جاويد قضيه نينگ اصلي عاملي و باشقه بير ايركك و عيال هم اوني همكاري اوله راق توتقين ده آلينگني دن خبر بيردي.
اوغيرلنگن باله آته سي عبدالرحمن پوليس نينگ بروقت حركتي ني آلقيشلب آدم اوغيرلوچي شخصلر جزا لنتيريليشي ني طلب ايتي.
تخار امنيتي مقاملريگه كوره بو ولايتي ده آدم اوغيرلش مثلي كورينمگن بير موضوع دير اما بو باله ني اوغيرلنيشي بو ولايت ده اختطافچي گروه لر تشكيل ايتيلگني دن درك بيره دي.
امنيتي قوتلر اوز فعاليت و عملياتلريني شدت بيريش بيلن لو ولايت بونداي واقعه لر آلديني آليش دن سعي قيلماقده لر.