تخارمرکزیده « ابوعثمان تالقانی » لیسه اوتگه یاندیریلدی
تخارولایتی مرکزی تالقان شهریده « ابوعثمان تالقانی » لیسه سی تانیلمگن کیشی لرتمانیدن اوتگه یاندیریلدی. بو واقعه سبب تخار ولایتی معارف اداره سیگه آغیر خساره یتکزیلگن و بو مکتب نینگ برچه کیرکلی حجت و سندلری نابود بولگن.
تخار معارف اداره سی مسوللریگه کوره ابوعثمان تالقانی لیسه سی بوولایت نینگ معارف اداره سی یانیده جایلشکن و بو کون ( پنجشنبه ۲۳ اسد» تانگ ایرته لب ساعت۳.۳۰ دقیقه تانیلمگن قوراللی لرتمانیدن اوت گه یاندیریلگن. حاضرگه قدر بو واقعه سبب و عاملی انیق معلوم بولمگن.
تخارولایتی معارف اداره سی اورین باسری حسام الدین نظری فیسبوک صحیفه سیده یازگن؛ طالبان بو مکتب نی اوتگه یاندیرگن و بوندن آأدین هم تخارولایتی ده بو گروه ایککی مکتب نی یاندیرگندی.
ابوعثمان تالقانی لیسه سی تخارولایتی نینگ قدیمی و اینگ مشهور مکتب لریدن بیری دیر و ایککی مینگ اوقوچی اونده درس اوقیردی. بیرییل جریانیده بو اوچینچی مکتب دیرکه تخارولایتی ده تانیلمگن قوراللی شخصلر تمانیدن اوتگه یاندیریلگن. بوندن آلدین تالقان شهریده جالشکن بودله اورته مکتبی و عبدالطیف شهید لیسه سی هم اوتگه یاندیریلگندی.