تخار نینگ بهارک تومنی طالبان نظارتی آستیگه اۉتدی
تخاردهگی محلي منبعلر نینگ تأکیدلشیچه، ولایت نینگ بهارک تومنی خوفسیزلیک کوچلری نینگ ایکّی کونلیک مقاومتی سۉنگ نهایت طالبان جنگریلری نظارتی آستیگه اۉتدی.
تخاردهگی اسمینی ایتیشنی ایستهمهگن محلي منبع نینگ ایتیشیچه، تومن کېچه (۲۸ جوزا، جمعه) کېچقورون طالبان قۉلیگه اۉتگن. منبعگه کۉره، طالبان بو تومن امنیت باشلیغی ني قماققه آلینگنیدن کېین آتیب اۉلدیرگن.
طالبان سوزچیسی ذبیحالله مجاهد بیانات بېریب، تومندهگی ۸۰ خوفسیزلیک کوچلری قورال و حربي تخنیک بیلن طالبانگروهیگه قۉشیلگنینی ایتکن. جناب مجاهد نینگ سۉزلریگه کۉره، استخبارات مرکزی، پولیس قوماندانلیگی و تومندهگی بیر قطار خوفسیزلیک پوستهلر طالبان جنگریلری تامانیدن قۉلگه آلینگن.
عینِ پیتده، سۉنگگی بیر هفته ایچیده طالبان تخار نینگ بیر قطار تومنلریگه قرشی هجوملرینی کوچهیتیرگندی. بیر نېچه کون آلدین ولایت نینگ بنگی تومنی هم طالبلر قۉلیگه اۉتگن اېدی.
تخارلیکلر نینگ ایتیشیچه، بهارک تومنی نینگ قولهشی بیلن تخار مرکزی تالقان شهر قملی تارراق بولگن.
بیراق، کۉکچه قیرغاقیده جایلکشن تومنلر یوللری یاپیلگنیدن تشقری، تالقان شهریگه نسبتن طالبلر نینگ تۉغریدن-تۉغری تهدیدی آرتکن.