تشقیایشلروزیرلیگی: ایران، افغانستان نینگ تهراندهگی ایلچیلیگی گه مراجعه قیلوچیلرنی توتقینده آلینیشیدن معلومات بیریشی لازم
افعانستان تشقیایشلروزیرلیگیني اعلان قیلیشیچه افعانستان وطنداشلریدن نيچه کیشی بو مملکتني تهراندهگی ایلچیلیگی یقینیده توپلنگندن سونگ ایران امنیتی قوتلری تمانیدن توتقینده آلینگن.
تشقیایشلروزیرلیگی بوکون ( دوشنبه ۲۴ جوزا) نشر ایتکن خبرنامهسیده بو وزیرلیک، افعانستانني تهراندهگی ایلچیلیگی آرقلی ایلچیخانه گه مراجعه ایتوچیلرنی توتقینده آلینگنیدن تشویشیني ایران دولتی بیلن اورتاقلشکنی دن خبر بیرگن.
تشقیایشلروزیرلیگی خبرنامهسیده شونینگ دیک، افعانستان وطنداشلری نینگ تهراندهگی ایلچیخانه سی یقنیده توتقینده آلینگنی بویچه ایران دولتی تحقیقات و تیکشیرو ایشلرنی تیزلیکده باشلشیدن ایشانج بیلدیرگنی هم قید ایتیلگن.
تشقیایشلروزیرلیگی اما ایران نینگ امنیتی قوتلری تمانیدن توتقینده آلینگن کیشیلر سانی و سببی حقیده ایضاح بیرمگن.
افعانستان وطنداشلریدن قریب ایککی میلیون کیشی قانونی و ناقانونی شکلده ایرانده حیات کیچیرهدیلر. ایران امنیتی قوتلری افعانستان وطنداشلری بیلن اوز توپراقیده بار بار قوپال مناسبت کورستکنی اوتمیشلرده خبر قیلنگن.