تشقیایشلروزیرلیگی: طالبان تمانیدن زۉروانلیکلر کوپهییشی منطقه خوفسیزلیکنی تهدید ایتماقده
تشقی ایشلر وزیرلیگی، طالبان تمانیدن زۉروانلیکلرنینگ سېزیلرلی درجهده کۉپهیگنلیگینی تنقیدلب و اوشبو زۉروانلیک نینگ دوام اېتیشی منطقه خوفسیزلیگیگه تهدید سالماقده دیب ایتکن.
تشقیایشلروزیرلیگی بوگون ( شنبه ۱۲ سرطان) خبرنامه نشر ایتیب، طالبلر نینگ تینچلیک جریانیگه صادقلیگی و تهدیدلرینی محاکمه ایتیش و بیرلشکنملتللرتشکیلاتی خوفسیزلیک کېنگشی نینگ ۲۵۱۳-سانلی قراریگه رعایه قیلیش اوچون خلقارا کوزهتوو گروهی ایجاد ایتیلیشی ني طلب ایتکن. اوشبو قرار مملکت و منطقهده تینچلیک تأمینلنهدیگن پرنسیپلرنی تانیشتیرگن.
تشقی ایشلر وزیرلیگی بیاناتیده تأکیدلنیشیچه، کوزهتووچی کمیتهسی نینگ تشکیل اېتیلیشی طالبلر تینچلیک جریانیده اۉز ذمّهسیگه آلگن مجبوريهتلر نینگ بیرارتهسینی بجرمهگنلیگینی تصدیقلهیدی و خارجي قوتلر افغانستانني تۉلیق ترک اېتیشی بیلن بو گروه جنگریلری اۉز زۉرآورلیکلرینی سېزیلرلی درجهده آشیرگن.
وزیرلیک صلحنی تأمینلش و سیاسي اېچیم یول تاپیش اوچون مضمونلی تینچلیک مذاکرهلری مملکتده اوروشنی توختهتیش نینگ یگانه یۉلی دېب حسابلهیدی، اما طالبان بوندهی مذاکرهلرنی باشلشنی خواهلهمهیپتی.
عینِ پیتده روسيه تشقی ایشلر وزیری سرگی لاوروف افغانستانده خارجي قۉشینلرنی چیقیب کېتگنیدن کېین زۉروانلیکلر کۉپهیگنینی اعلان قیلدی. جناب لاوروف افغانستان معماسینی دیالوگ آرقهلی تینچ یۉل بیلن حل بولیشی طلب ایتکن.
افغانستان حکومتی بیر نېچه بار افغانستان معماسینی مذاکرهلر یۉلی بیلن حل قیلیشگه چقیرگن بۉلسه-ده، طالبان بونگه ایجابي جواب بېرمهیپتی. عینِ پیتده ۱۵ دن آرتیق ولایتلرده حاضر اوروشلر دوام اېتماقده.