University

تعلیمی مرکزلر و توی سالون‌لری تعطیل‌لیگی ینه ایککی هفته چوزیلدی.

neshananews

08 June 2021

عامه‌ساغلیک وزیرلیگی مسووللری، مکتبلر، عالی اوقویورتلر و توی سالون‌لری تعطیل‌لیگی ینه ایککی هفته چوزیلگنی تصدیقلشکن.
عامه‌ساغلیک وزیرلیگی سوزچیسی معاونی عثمان‌طاهری بوکون ( سه شنبه ۱۸ جوزا) نشانه خبرآژانسی بیلن صحبت ده بوموضوع‌ني تصدیقلشدی.
طاهری‌جنابلری، ۲۲ جوزا کونیگه قدر نطرده آلینگن مکتب‌لر، عالی‌اوقویورتلر وتوی سالون‌لری تعطیل‌لیگی، ینه ایککی هفته‌گه چه چوزیلگن ديدي.
اونگه کوره و مدت‌ده سوحوضلری هم تعطیل دیر.
کروناویروسی ییرلیشی کوپیشی بیلن عینی‌حالده اون آلتی ولایت ده برچه مکتبلر، عالی‌اوقویورتلر و توی سالون‌لری سکیزینچی جوزا کونیدن تعطیل بولگندی، ایندی بو تعطیل‌لیک ینه ایککی هفته چوزیلگن.
سونگی کونلرده کروناویروسی مثبت واقعه‌لری و قربان‌لر سانی تاباره کوپیگن.اوتکن کونی کروناویروسینی یوقتیرگن ۵۶ بیمار مملکت‌ده اوز‌جانلرینی قولدن‌بیردیلر.