thumbs_b_c_25398d6ac0aa66dbfd3fc5fb9cfd4414

تینچلیک مذاکره‌لری؛ اوتمیش تصویری و کیله‌جکده قره‌ش

neshananews

07 June 2021

یازوچی: ابومسلم خراسانی

تینچلیک مذاکره لری کوپ مدتلردن سونگ قیته باشلنیشی ریجه لنگن. افغانستان دولتی نی مذاکره قیلوچی هیاتی قطرگه بارگن و طالبان نینگ نماینده‌لری هم دولت هیاتی بیلن توغریدن توغری مذاکره‌لر آجنداسی تعین بولیب تیارلگنی دن رسانه لرگه خبر بیرگن. افغانستان صلح مذاکره لری اوچ ییل دن بیری قطر پایتختی دوحه شهریده ایککی علحیده باسقیچ ده امریکا و افغانستان دولتی بیلن جدی شکل ده دوام ایتدی. افغانستان دولتی و طالبان، امریکا، قطر و پاکستان واسطه چیلیگی بیلن نیچه آی مذاکره قیلدیلر. اما بو مذاکره لر نتیجه سی افغانستان اهالی سی اوچون اونچه‌لیک معلوم و یارقین ایمسدی. افغانستان صلح مذاکره لری نینگ اوتمیش ده‌گی تصویری مرکب و مبهم دیر. بو دواملی مذاکره لراوروش میدان لری، اهالی کونده‌لیک حیاتی، زوروانلیکلرنی کمیشی و ریجه لنگن ترورلر توختتلیشی ده هیچقندای ایجابی تاثیر قالدیرمگن.

طالبان گروهی نینگ اوروش ماشینی تینچلیک مذاکره لر سایه سی آستیده و امریکا بیلن مذاکره دن حاصل قیلگن مشروعیت دن سونگ فعال راق بولیب تیزلشکن. بو گروه اوتکن اوچ ییل دوامیده ایککی بار اوچ کونلیک آتش کیسیم دن باشقه، زوروانلیکلرنی شدت بیریب و اوروش میدانلرینی قیزیق اسرب وهرکونی اوروش نینگ تندوریده بو اولکه نینگ یوزلب یشوچی سی نی کویدیرماقده. طالبان بو مدت ده نیچه بار اوروش میدانلریده شکست گه اوچرب و اوزلری نینگ استراتیژیک مقصدلریگه ایریشه آلمه دیلر. بوگروه فرسایشی اوروشی نی دوام ایتیریب و قتل استراتیژی سی بیلن اوروش اوتی نی النگه‌لنتیریب و افغانستان اوروشینی حربیگرچیلیک قره‌شی بیلن دوام ایتیرماقچی.

 صلح مذاکره لری قیته باشلنماقچی بولگن بیرحالده ایندی نیچه مهم نکته موجود دیرکه جهان جماعه سی و افغانستان دولتی نینگ مذاکره قیلوچی هیاتی اونی طالبان گه قبول قیلدیریشی لازم چونکه بوندای بولمگنده بو مذاکره لر معنا تاپمیدی و افغانستان اهالی سی حیاتیده هم قندای بیر تاثیر قالدیرمی دی.

بیرینچی دن جهان جماعه سی طالبان گه دیپلماتیک جهت دن باسیم یتکزیش بیلن ایتشی لازم که بو گروه حربیگرچیلیک، زوروانلیک، دهشتگرچیلیک و ریجه لنگن ترورلر بیلن افغانستان اوروشی معماسینی حل ایته آلمیدی؛ چونکه بو گروه بو طریقه بیلن افغانستان گه حاکم بوله آلمیدی. بو نکته طالبان گه آچیقچه ایتیلیشی ضرورکه اگر بو گروه حربیگرچیلیک گه تاکیدلشسه صلح اوچون مذاکره لر معناسیزدیر و اوروش دن وازکیچمه یاتکان و صلح و تینچلیک گه ایشانمه یاتکان گروه قندای دولت نمانیده لری بیلن مذاکره قیله دی. یاوزچی گه کوره اگر حاضرگی مذاکره لر شرایطی اوتمیش ده اوتکزیلگن دوره لر کبی بولسه بو دورهم باطل بیر حرکت دیر و اوندن بیر ایجابی نتیجه کوتیش ناممکن دیر.

ایککینچی نکته اگر بو مذاکره لر ایجابی نتیجه گه ایریشسه و طالبان هم افغانستان معماسی حربی و اوروش آرقلی حل ایتیلمس لیگی نی اعتراف ایتسه بو صورتده طالبان بیر سیاسی کیلیشو باره سیده اویلب و بو فکرنی بو اوروش نینگ برچه تمانلری بیلن اورتاقلشتیریشی لازم.

بیرتماندن جهان جماعه سینی سیاسی باسیمی،سیاسی عقلانیت و افغانستان دولتی نینگ مذاکره قیلوچی هیات اعضالری ارا کیلشو و اوروش آرقلی افغانستان معماسی حل ایتیلمس لیگی گه دایر طالبان نینگ اعترافی شبهه سیز زوروانلیک لرکولمی نی کمتیریب و صلح مذاکره لری بیر ایجابی نتیجه بیریشی ده امیدلرنی قوللب قوتلب هرتمان له مه بیر کیلشو زمینه سی نی یرتیشی ممکن، بوندای بولمگن تقدیرده صلح مذاکره لری نینگ کیله جکی گه امید باغلش بی معنا بیر توشینچه دیر و خلاص.

افغانستان دن خارجی قوتلرنی چیقیشی دن سونگ طالبان زوروانلیکلرنی مثلی کورینمگن درجه ده کوئیتیردیلر. اوتکن اوچ کون جریانیده مملکت نینگ ۶۰ یشوچی سی اوز جانلرینی قولدن بیریب یا یاره لندیلر و باشقه تماندن شوحاضر قریب یوز تومن ده قتیغ اوروشلر دوام ایتماقده و معلوم که اوروش دوام ایتکن تقدیرده تلفات لر رقمی آشیب مینگلب کشی آواره بولیشی حتمی دیر. اگر صلح مذاکره لری شرایطی ده بیران ایجابی اوزگریش کیلمسه شبهه سیز بو مذاکره لر اوروش میدان لریده دوام ایتیب باره یاتکان وضعیت ده قندای بیر تاثیر قالدیره آلمیدی.

عینی حالده مردم جاری وضعیت دن بوتکل خسته و بیزار بولگن. اوچ ییل دن بیری دوام ایتیب کیلگن مذاکره لر اهالی حیاتی ده هیچقندای مثبی اوزگریش کیلتیرمگن و عکسینچه جاری وضعیت مردم نینگ صلح و تینچلیک گه نسبتن امیدسیزلنتیرگن. کورینیشی دن اگر بو بارهم صلح مذاکره لری اوتمیش کبی بیران ایجابی نتیجه بیرمسه شبهه سیز مذاکره لر پای دیوار لققان بولیب و اونگه نسبتن ایشانچ سیزلیک لرهم کوپیه دی.

. بنابراین زوروانلیک لر توختتلیشی لازم، جهان جماعه سی اوروش میدانلریده اوزگریش کیلتیریش اوچون طالبان باسیملرینی شدت بیریش لری کیرک. بونگه قوشیمچه اگر بوندای بیر ایش بولمسه و طالبان زوروانلیک لرنی کمیتیریش ده حاضر بولمسه و صلح مذاکره لریده حقیقی معنا اشتراک ایتمسه افغانستان دولتی نینگ مذاکره قیلوچی هیاتی اعضالرینی قطرده بولیشی وقت ضایع قیلیش دن باشقه نرسه ایمس. افغانستان دن خارجی قوتلرنی چیقیشی و طالبان تمانیدن زوروانلیک لرنی کوپیشی ویرانگرچیلیک و اوروش آرقلی سیاسی قدرت گه قول تاپیش دن باشقه معنانی افاده قیلمی دی. اگر طالبان بو فکرده بولسه که مذاکره و بحث لرمعمانی برطرف ایته آلمیدی، حاضرگی وضعیت دن چیقیش و جاری معماگه ایجابی ایچیم یول تاپیش اوچون باشقه بیران فایده لی دستور و برنامه قول اوستیده آلیشی لازم دیر.