جلال یفتلی بدخشانگه باردی؛ اوروش معادله‌سی اۉزگره‌دیمی؟
akbardashti
11 July 2021مملکت اردوسی نینگ یوقاری درجه‌لریده حربي تجربه‌گه اېگه بۉلگن مولوی جلال یفتلی نامی بیلن تنیلگن جنرال جلال یقینده بدخشان اوروشیگه کیریشدی. او ولایتده‌گی طالبلرنی باستیریش اوچون جماعت سفربرلیگی حقیده آگاهلنتیره‌دی. حاضرده بدخشان نینگ مرکزی فیض‌آباد شهری و کارن و منجان تومنلریدن تشقری برچه تومنلر طالبلر جنگریلری نظارتی آستیده دیر. جنرال جلال، اما ایندی اوز ولایتی‌نی طالبان‌دن خلاص قیلیش اوچون یېنگلرینی کوتارگنی‌نی ایته‌دی و بدخشان‌نی طالبان قبرستانیگه ایلنتیریشی حقیده آگاهلنتیرگن.
مولوی جلال یفتلی اېندی‌گینه بیر قول اردو قوماندانلیگیدن استعفاگه چیقدی و ایکّی کون آلدین بدخشانگه اېتیب کېلدی. جلال‌جنابلری بدخشان محلي رسمیلری و جهادی قوماندانلر بیلن اوچرشوویده “بدخشان نینگ کۉپلب تومنلری طالبان قۉلیگه اۉتگنیدن سۉنگ، مېن بدخشانگه کېلیب، طالبلرگه قرشی کوره‌شیش اوچون ۲۰۳-چی تندر قول اردوسی قوماندانلیگیدن استعفاگه چیقدیم”، دېدی. جناب یفتلی یوقاری مرتبه‌لی حربي لوازملرده، جمله‌دن، اردو مخصوص کوچلری قوماندانلیگی، رجال‌برجسته اداره‌سی، ۲۰۳-چی تندر قول‌اردوسی قوماندانلیگی و باشقه یوقاری مرتبه‌لی حربي لوازملرده خدمت قیلگن و یارقین رېکورد قالدیرگن.
سۉنگگی ییللرده بدخشان نینگ کندز، اشکاشم و زېباک تومنلرینی قَیتریب آلیشده‌گی کېتمه-کېت غلبه‌لری و یقینده پکتا ولایتی نینگ سیدکرَم و میزراکه تومنلریده‌گی طالبلر نینگ قتغان قیلیشی و مملکت نینگ تورلی منطقه‌لریده طالبلر نینگ کۉپلب هجوملرینی قَیتریش اونی مغلوبیتسیز و شکست‌گه اوچره‌مه‌یاتکان قوماندانگه ایلنتیردی. .
جنرال جلال یفتلی‌نی باشقه‌لردن اجره‌تیب توره‌دیگن خصوصیتلردن بیری شونده‌کی، او حربي ایشلرنی تۉلیق اۉزلشتیرگنلیگی بیلن بیر قطارده تنیقلی روحاني صفتیده دیني مسأله‌لرنی تۉلیق نظارت آستیگه آله‌دی و اوشبو سیاست‌دن فایده‌لنیب، طالبان اوروشی قانونيلیگینی شبهه آستیگه قۉییشی ممکن. و آدملرنی اوشبو گروه‌گه قرشی یۉنه‌لتیره‌آله‌دی.
مولوی جلال نینگ سۉزلریگه کۉره، اگر او مرکزي حکومت تمانیدن سیاسي و هوادن تۉلیق قۉللب-قوّتلنسه، او بدخشان اوروشی معادله‌سینی اۉزگرتیریشی و ولایتده طالبلر حضوریدن کۉپراق حدودلرنی کېنگه‌یتیریشی و حکومتنی کېنگه‌یتیریشی ممکن دیدی. چونکه بو اردو قوماندانی تأثیرچن تیلگه اېگه و او کوچلی روحگه اېگه و حل قیلووچی و غالب فکرلاوچی دیر. او هر دایم حکمرانلیک و غلبه حقیده گپیره‌دی، مغلوبیت و چېکینیش حقیده گپیرمه‌یدی.
جلال بدخشان اوروشی معادله‌نی اۉزگرتیریشده مهم رۉل اۉینه‌شی ممکن، چونکه اونینگ افغانستان اردوسی نینگ تورلی اۉرینلریده ایشلش پیتیده طالبان بیلن مغلوبیتگه اوچره‌شی قید اېتیلمه‌گن. افغانستان اردوسی نینگ اوشبو تجربه‌لی قوماندانی نینگ اوشبو ولایتده‌گی اوروشگه کیریشی خوفسیزلیک کوچلری نینگ تامیرلریگه ینگی قاننی سېپدی. اوّلگی چېکینیشلر و حربي تخنیک یۉقاتلیشی سببلی طالبانگه قرشی جنگاور روحینی بیرآز یۉقاتگن کوچلر، شان-شرف کېلیشی بیلن اۉزلرینی قَیته تیکله‌دیلر. اېندی سیاسي اراده بۉلسه، جلال بدخشان اوروشیده‌گی وضعیتنی حکومت فایده‌سیگه اۉزگرتیریشی ممکن.
جلال اۉزی عسکرلر بیلن اوروش نینگ آلدینگی صفلریده اۉتیرگن قوماندان و بو خصوصیت طالبلرگه قرشی جنگچیلر نینگ جنگاور روحینی کوچه‌یتیریشی ممکن، شونده عسکرلر بدخشان اوروشی نینگ یۉقالگن جغرافیه‌سینی تۉلیق قرشیلیک بیلن قَیتریب آلیشلری ممکن.
باشقه تاماندن، بیر نېچه ییل آلدین، زیباک تومنی و اشکاشم تومنی نینگ بیر قِسمی قوله‌شی بیلن بیر وقتده جنرال جلال ملي اردو نینگ مخصوص کوچلری بۉلینمه‌سیگه رهبرلیک قیلر اېدی. بدخشانده‌گی طالبلر اۉشه ییلی اشکاشم‌نی اېگه‌للب آلیش اوچون قۉللریدن کېلگنیچه حرکت قیلدیلر، اما قرشیلیک و جلال رهبریتیگه داش بېرالمه‌دیلر و کتّه یۉقاتیشلرگه دوچ کېلدیلر. طالبان نینگ باش قوماندانگه قرشی کوره‌شده اچّیق تجربه‌سینی حسابگه آلگن حالده، اونینگ آلدینگی مرته‌لرده بۉلیشی طالبان جنگچیلری نینگ روحیتیگه سلبي تأثیر کۉرسه‌تیشی و عکسینچه، حکومت کوچلرینی کوچه‌یتیریشی ممکن.
عینِ پیتده، طالبلر تومنلر، بندرلر و بیر قطار ولایتلر نینگ مرکزیگه قرشی هجوملرینی کوچه‌یتیرر اېکن، عصیانچیلر خوفسیزلیک کوچلری بیلن بیر قطارده قورال آلیب، خلقنی حمایه قیلیش اوچون کېچه اۉزلرینی حمایه قیلیشگن. شِمالده عطا محمد نور و مارشال عبدالرشید دۉستم، غربده امیر محمد اسماعیل خان، پنجشیر ولایتیده احمد مسعود، شرقده حضرت علی، تخارده جنرال نجیب، عبدالله بیک و سېدمنیر محبوبی، جنرال جلال، محمد امین و حبیب وردوجی بدخشانده، اندرابلر، خوستلر و خنجان بیکاری بغلان‌ده، پروان و کاپیساده‌گی بویوک شمالي کېنگاش آقسقال و رهبرلری طالبانگه قرشی قرشیلیک جریان (جبهه)نی تشکیل اېتگن اېنگ تنیقلی و نفوذلی قوماندانلردن دیر.
قوماندانلر نینگ تأکیدلشیچه، اولر خلق کوچلرینی تخنیکی سفربر اېتیش جریانینی توگه‌تگن و یقینده یۉقالگن حدودلرنی تازه‌لش جریانینی باشلشه‌دی. حربي متخصصلر نینگ فکریگه کۉره، اگر طالبلر اوروش و تینچلیک اۉرته‌سیده اوروشنی تنله‌سه‌لر، اولر خلق نینگ قرشیلیک کۉرسه‌تیشی و ملي قۉزغآلان نینگ کتّه تۉلقینیگه دوچ کېلیشه‌دی و اولر نینگ مغلوبیتی انیق. دیب ایتیشماقده‌لر.
