جمهوررییس ني ملي سفربرلیک‌گه چقیریشی؛ بیز اتفاق و بیرلیکده افغانستان دشمنلریگه کیسکین جواب بېره‌میز
neshananews
02 August 2021جمهوررییس محمد اشرف غنی ملي سفربرلیککه چقیردی. او ملي مجلس‌ده اۉتکزیلگن فوق‌العاده ییغیلیشده طالبان نینگ مثلی کۉریلمه‌گن تجاوزیگه قرشی ملي سفربرلیک‌گه چقیردی.
جناب غنی بوگون (دوشنبه ۱۱ اسد) ولسی‌جرگه نینگ نوبتدن تشقری یغینیده، مملکت اهالی‌سی بو هجومگه قرشی خوفسیزلیک کوچلری یانیده توریشی کېره‌کلیگینی ایتکن. او ملي مجلس اعضالرینی خلقنی طالبانگه قرشی سفربر قیلیش اوچون مشهور ترماقلردن فایده‌لنیشگه چقیردی.
جناب غنی نینگ ایتیشیچه، افغانستان حاضرده طالبان و بو گروه ترورچیلری طرفدارلری‌نینگ مثلی کۉریلمه‌گن هجومیگه دوچ کېلماقده و مملکت دشمنلریگه ملي سفربرلیک بیلن قطعیت بیلن جواب بېریش وقتی کېلگن.
جناب غنی سۉزلریگه کۉره، طالبلر تینچلیککه ایشانمه‌یدی و اۉتمیشده‌گیدن کۉره یاللنمه و قانخۉرگه ایلنگن. اونینگ تأکیدلشیچه، فقط حربی قوتلر نینگ منتظم حرکتی طالبان و خلق‌ارا ترورچیلر نینگ مملکتگه باستیریب کیریشینی الدینی آلیشی ممکن.
جمهوررییس غنی حاضرگی وضعیتنی تېزلشتیریلگن و وارد قیلینگن تینچلیک جریانی نینگ نتیجه‌سی دېب اته‌دی و بو جریان خام فرضیه‌لر گه و جمهوریت‌گه باسیم و مملکتده دېموکراسینی یۉق قیلیشگه اساسلنگنلیگینی ایتدی.
جناب غنی، آخرگی ایکّی ییل ایچیده طالبان‌نی قانونيلشتیریش و جمهوریت‌نی تیزیمی بوزیش تمان حرکت بولگنی ني قید ایتیب، بو نینگ عاقبتیده حاضرگی ناتینچ وضعیتگه آلیب کېلگنینی قۉشیمچه قیله‌دی.
جناب غنی سۉزلریگه کۉره، آخرگی اوچ آی ایچیده افغانستان کوتیلمه‌گن وضعیتگه توشیب قالگن، تشقی و ایچکی تجاوزلر نینگ کېنگ ترقه‌لیشی و خارجي تشویقات هجوملری مملکت نینگ اَیریم حدودلریده ترتیبسیزلیک لرگه سبب بولگن.
غنی جنابلری، تومنلرنی اغدریش اوچون یشیرین بیتیم دېب اته‌لگن نرسه‌گه اشاره قیلیب، بو میش مسش‌لرترغیبات کمپاینی دایره‌سیده کېنگ ترقه‌لگنینی، لېکن هېچ قنده‌ی معامله و بیتیم یۉقلیگینی قۉشیمچه قیلدی.
جناب غنی سۉزلریگه کۉره، اۉتگن آیده مملکتده نسبي حساب -کتابلر بۉلگن و خوفسیزلیک استراتیژيسی دایره‌سیده کیله‌سی آلتی آیده اوروشده‌گی وضعیت اۉزگره‌دی.
جناب غنی، بو استراتیژي دایره‌سیده ملي مدافعه وزیرلیگی استراتېژیک مدافعه، ملي پولیس استراتژی سی‌شهر و تومنلر، ملي خوفسیزلیک اداره‌سی و خوفسیزلیک کېنگشی اهالینی سفربر قیلیش بیلن شغللنیشی ني تاکیدلشدی.
جمهورریس جنگ میدانیده‌گی وضعیت اۉزگرمه‌گونچه طالبان صلح مذاکره لریگه حاضر بۉلمه‌یدی، دېب تأکیدله‌یدی.
بو آره‌ده طالبلر آخرگی اوچ آیده هجوملرینی کوچه‌یتیریب، اۉنلب تومنلرنی اېگه‌للب آلیشدی. گروه اېندی‌گینه شهرلرگه هجوم قیله باشله‌گن. طالبان جنگ میدانینی هر قچانگیدن هم اوندای بیرحالده قیزغین قیلدی که، چېت اېل قۉتلری افغانستاننی بیر آیدن کمراق وقت ایچیده بوتکل ترک اېتیشدی.
