مملکت جمهورریسی محمد اشرف غنی، تیزیم کیسیلیشی مملکت بربادلیگی گه سبب بولیب شوجهت دن تینچلیک آقیمی حاضرگی تیزیم دایره سیده آلغه سوریلشی لازم دیب ایتکن.

غنی جنابلری بوکون ( شنبه ۱۵ قوس) ارگ ده ملی یرشیش عالی کینگاشی رهبرلیک کمیته سی ایلک یغینیده تینچلیک آقمیده جمهوریت سقلینیشی و بو تیزیم دایره سیده تینچلیک تامین لنیشی نی تاکیدلشکن. غنی جنابلری تیزیم کیسیلیشی مملکت بربادلیگی گه سبب بوله دی و شوجهت دن صلح آقیمی موجود تیزیم دایره سی نتیجه گه ایرشیشی لازم دیب ایتکن.

جمهور رییس علاوه ایتی یالغیز دولتی ارگانلر سقلنیشی بیلن تینچلیک کیلشیو تطبیق ایتیلیشی ممکن دیر و حکومت بو ارگان لرنی قوللب قوتلش ده جدی اعتبار قرته دی. غنی جنابلری شونینگ دیک صلح مذاکره لری سیزینلرلی نتیجه لرگه ایرشیشی لازم لیگی اورغولب و افغانستان خلقی بو آقیم دن کاغذ یوزیدن آرتیق بیر کیلیشو یعنی افغانستان اوروشی و زوروانلیک لری گه نقطه قوییاتکان کیلیشونی کوتماقده لردیدی.

جمهور رییس غنی تینچلیک آقیمیده ایشانچ حاصل قیلیش لازم که کیلیشودن سونگ مملکت ده باشقه بیران گروه اوروش قیلمیدی. اونگه کوره صلح قیلمه یاتکان و اوروشنی دوام ایتیره یاتکان گروه وشخص لر بو آقیمده انیق تعریف لنیشی کیرک دیر.

غنی جنابلری شونینگ دیک افغانستان صلحی بیر محکم خلق ارا و منطقه ای ضمانتلرگه ضرورتی باردیدی. او منطقه مملکتلری جمله دن ایران و پاکستان تینچلیک کیلیشوی نی ضمانت قیلیش لری لازم و افغانستان ده اوروشنی ایسته مسلیک لریدن ایشانچ بیلدیریش لری کیرک دیب ایتی.

جمهور رییس اوز صحبت لری دوامیده تینچلیک آقمی اوچون ملی اجماع و دولت نینگ سیاسی اراده سی دن ایشانچ بیلدیریب و مملکت ده آتش کیسیم برقرارلیگی ضرورتی نی تاکیدلشدی. غنی جنابلری آتش کیسیم تامینلنیشی دن هیچ بیرگروه ضرر قیلمیدی دیب طالبان بوتون مملکت بویلب آتش برقرارلیگی بویچه موافق ایکنلیک لرینی اعلان ایتیش لری لازم دیدی.

غنی جنابلری طالبان مذاکره جریانیده مملکت کیله جک تقدیری بویچه اویلب و اوروش نی یکونلنتیریش اوچون سیاسی اراده لرینی یقال کورستیش لری کیرک دیب ایتی.

جمهور رییس نینگ بو صحبت لری ملی یرشیش عالی کینگاشی رهبرلیک کمیته سی ایلک یغینی  و افغانستان دولتی و طالیان نینگ مذاکره قیلوچی هیاتلری ارا تینچلیک مذاکره لر ایش دستوری تصدیق لنیب و مذاکره لر اجندا لری بویچه بحث لر بوکون دوحه ده باشلنگنی بیلن عینی زمانده اورته گه قویلگن.