جنرال نجیب: طالبان نینگ تخارده‌گی حضوری تېز آره‌ده توگه‌یدی
neshananews
14 July 2021جنرال نجیب‌الله نجیب سابق شوری تجاوزی گه قرشی جهاد و طالبلرگه قرشی مقاومت دورلریدن بېری آزادلیک، مستقللیک، ملي حاکمیت و حدودي یخلیتلیکنی حمایه قیلگن و کورشکن قوماندانلردن بیری‌دیر. بو قوماندان قوراللی کوچلرنی جلب قیلیش و خلق قۉزغآلانلری بیلن خلق مقاومت گروه‌لرنینگ شکللنتیریب، او ینه تخار ولایتیده طالبانگه قرشی مقاومت چیزیغینی توزدی و خوفسیزلیک کوچلری بیلن کېلیشیلگن حالده مقاومت‌نینگ ایککینچی تۉلقینینی محلی قوماندنلر بیلن بیرگه یره‌تیشگه حرکت قیلماقده.
بو مقاومت قوماندانی، طالبان نینگ تخار ولایتی مرکزیگه قرشی هجوملرینی آلدینی آلیش و یۉقالگن حدودلرنی قَیتریب آلیش اوچون برچه تیارگرلیک کۉریلگنلیگینی و یقین کېله‌جکده طالبان نینگ تخار ولایتیده حضوری حقیده‌گی حکایهلر اۉز نهایه‌سیگه یېتیشینی اَیتماقده.
جنگ میدانیده اوروش گه قنتشکنی‌دن تشقری امنیتی قوتلر دايره سي جمله دن ملي امنیت اداره‌سیده ایشلش تجربه‌سیگه اېگه و قریب ایگیرمه ییل دوامیده ملي خوفسیزلیک، دېموکرا‌تیک قدریتلرنی حمایه لش، انسان حقوقلری و سۉز اېرکینلیگینی حمایه قیلیش اوچون خذمت قیلگن. اونینگ سۉزلریگه کۉره، تومنلرنی بوشتیش و تکنیکی آرقه‌گه چیکینیش بو گروه‌گه یالغان غرور حسسینی اویغاتکن.
اونگه کۉره، بوتون افغانستان بۉیلب خلق مقاومتی شکللنیشی و حکومت نینگ طالبلرنی باستیریشده جدّيلیگی، اوروش وضعيتي‌ني خوفسیزلیک کوچلری فایده‌سیگه اۉزگرتیریشی ممکن. تخارده‌گی خلق قۉزغآلانلری قوماندانی تخار ولایتی مرکزی تالقان شهری اطرافی و برچه اېشیکلریده مدافعه چیزیقلری اۉرنه‌تیلگنلیگینی و سۉنگگی ایکّی هفته ایچیده طالبلر نینگ ولایت مرکزیگه قیلینگن اۉنلب هجوملری قَیتریلگنلیگینی قۉشیمچه قیلدی.
قوماندان نجیب هجوملرنی قَیتریشده اۉنلب طالبلر هلاک بۉلگنینی و یاره‌لنگنینی و اولر طالبلر نینگ مرکزگه بۉلگن تهدیدینی یۉق قیلیش اوستیده ایش آلیب باریشه‌یاتگنینی، کېین اېسه تازه‌لش عملیاتلرنی باشلش آرقه‌لی یۉقالگن تومنلرنی طالبان نظارتی آستیدن چیقریب آلیشلرینی ایتدی.
جناب نجیب نینگ ایتیشیچه، مینگلب عصیانچیلر طالبلرگه قرشی قورال ساتیب آلیش اوچون الّه‌قچان شخصي امکانیت لریدن فایده‌لنگنلر و اگر بو کوچلر حکومت تامانیدن تۉلیق قۉللب-قوّتلنسه، یۉقالگن برچه جایلرنی طالبان نظارتی چیقاره‌آله‌دیلر.
او حکومت و خلق‌ارا هم‌جمعیت نینگ تینچلیک سیور سعی-حرکتلریگه امید باغله‌گن و اگر طالبلر افغانستان خلقی و حکومتی نینگ اراده‌سیگه بۉیسونمسه و اوروشنی توگتمه‌سه، خلق کوچلری‌نینگ کسیکین مناسبتی گه دچار بوله دیلر، دېب قۉشیمچه قیلدی.
امریکا-طالبان تینچلیک مذاکره‌لری باشلنگنیدن بېری افغانستان حکومتی، بو گروه نینگ افغانستان حکومتی بیلن تۉغریدن-تۉغری تینچلیک مذاکره‌لری یۉلیده‌گی تۉسیقلرنی سان-سناقسیز قربانلیکلرنی بیریش بیلن آلیب تشلشگه قره‌تیلگن. جناب نجیب نینگ سۉزلریگه کۉره، اما طالبان برچه کوچلرینی حربي غلبه‌گه قره‌تگن.
تینچلیک یۉلیده‌گی تۉسیقلرنی برطرف اېتیش اوچون افغانستان حکومتی ۶۰۰۰ طالبان جنگچیلرینی، جمله‌دن حقّاني ترماغی اساسچیسی نینگ اۉغلی انس حقانينی افغانستان قماقخانه‌لریدن آزاد قیلدی، مملکت خوفسیزلیک کوچلرینی مدافعوی حالت ده سقلدی و مذاکره آرقه‌لی سیاسي کېلیشووگه اېریشیشگه تۉلیق تیارلیگی حقیده گپیردی. اما طالبان، حکومت‌نینگ بونچه‌لیک گذشت و عفو و قربانلیک‌لریگه قره‌می، افغانستان خلقی نینگ آتش کیسیم اعلان قیلیش حقیده‌گی یگانه طلبینی قبول قیلمه‌دی.
اما قوماندان نجیب نینگ ایتیشیچه، اوشبو وضعیت نینگ دوام اېتیشی تینچلیک اوچون امکانیتلرنی یۉق قیله‌دی. او طالباننی وقت ني ضایعه قیلمسلیک و تینچلیک مذاکره‌لریده قتنه‌شیش بیلن اوشبو قانلی اوروشگه چېک قۉییشگه چقیردی.
قوماندان نینگ قۉشیمچه قیلیشیچه، طالبان تامانیدن اوروش نینگ دوام اېتیشی، خلق نینگ مقاومتی‌گه سبب بولگن بۉلسه ده، بوندن کوره کتته‌راق و کېنگ ترقه‌لگن خلق مقاومتی نینگ شکللنیشیگه سبب بولیب و اولر اۉزلریدن مدافعه ایتیش اوچون بو گروه‌گه قرشی کورشیش‌دن باشقه چاره‌لری یوق.
جناب نجیب نینگ ایتیشیچه، طالبان نینگ حربي یول آرقلی غلبه‌‌قازانیش حساباتی ناتۉغری دیر؛ اونگه کۉره، افغانستان خلقی طالبان رژیمی‌دن آلگن تجربه‌لری بیلن هېچ حالده طالبلر اسلامی امارتی نینگ قَیته باشقه‌ریلیشیگه یۉل قۉیمه‌یدی.
قوماندان نینگ سۉزلریگه کۉره، خوفسیزلیک کوچلری و خلق قۉزغآلانلریدن تشقری، سۉنگگی ۲۰ ییل ایچیده طالبانگه قرشی کوره‌شده باله‌لری، آته‌لری و قرینداشلریدن اَیریلگن کۉپلب عایله‌لر اېندی قوراللنگن و طالباندن قصاص آلیشگه تیار.
ولایتلرده مثلی کۉریلمه‌گن درجه‌ده تومنلر نظارتی طالبانگه اوتکنی، بوگروه‌نی تۉستدن خلق مقاومتی نینگ آغیر سیناولریگه دچار قیلدی. جناب نجیب نینگ سۉزلریگه کۉره، اېندی طالبان ایکّی وریانت (اوروش و تینچلیک) دن بیرینی تنلش کیرک. حربي تحلیلچیلر نینگ فکریچه، اگر طالبلر اوروشده غلبه قازانیشگه اعتبار قره‌تسه‌لر، بوتون افغانستان بۉیلب خلق مقاومت کوچلری سرکوب بوله‌دیلر، و اوروش اوج آلگن تقدیرده، افغانستان ینه بیربار ایچکی و قانلی اوروشیگه دچار بولیشی ممکن.
