جوبایدن: دنیانی کیله‌جک قاعده‌لری غربی دموکراسی قولیده یازیلیشی لازم
neshananews
07 June 2021آمریکا قوشمه ایالتلری جمهوررييسی جوبایدن، جهان‌نینگ کیله‌جک قاعده‌لری، آزاد اقتصاد حمایتچی سي بولگن غربی دموکراسی قولیده یازیلیشی لازم بولگنی‌ني اورغولشکن.
بایدن جنابلری واشنگتن پست روزنامه‌سیگه یازگن مقاله‌سیده، او، غرب دموکراسیلری ارا اتفاق ايجاد ایتیش اوچون سعي قیلیشی نی تاکیدلشکن.
بایدن‌جنابلری، جهان‌نینگ کیله‌سي یوزییل‌لیک قاعده‌سي چین تمانیدن یازیلمسلیگی لازم و بو قاعده غربی دموکراسیلر تمانیدن یازیلیشی کیرک دیر دیب ایتکن.
آمریکا جمهوررییسی بو مقاله ده غربی مملکتلرنینگ دموکراتیک تیزیملریدن، اوني ايتيشيچه مسکو و پکن نینگ کون‌سیون آرتیب باره‌یاتکان تهدیدلری برابریده دفاع قیله‌دی.
بو مقاله‌ده بایدن جنابلری کروناویروسی تهدیدلریدن هم ذکر ایتکن. بایدن‌جنابلرینی ايتيشيچه کروناویروسی گه قرشی کورش کیله‌سي ییللرده اوني اداره‌سيني دستلبکی ایشلری سرلوحه‌سیده جایلشکن.
بوندن آلدین آمریکا جمهوررییسی جوبایدن ایتکندی، روسیه جمهوررییسی ولادیمیر پوتین بیلن ملاقاتیده روسیه ده انسان‌حقلری رعایه ایتیلیشی‌ني طلب ایته‌دی.
دنیانی بو ایککی تاثیرلی سیمالرینی اوچرشوی کیله‌سي هفته‌لرده سویس پایتختی ژنیوا شهریده اوتکزیلیشی ریجه‌لنگن. مسکو – واشنگتن ایککی تمان‌له‌مه علاقه‌لری ، اقلیم اوزگریشی معماسی و جهان ده کرونا ویروسی گه قرشی کورش بایدن و پوتین‌جنابلری‌نینگ اوچرشولریده بحث بوله یاتکان موضوعلر بولگنی ایتیلماقده.
