جوزجانده اسپان قوزی‌قرینی ایشلب چیقریش لابراتوار‌ی آچیلدی
neshananews
06 July 2021جوزجان ولایتی زراعت، سوغاریش و چارواچیلیک اداره‌سی مسووللری قوزی‌قرینی ایشلب چیقره‌دیگن لابراتوار آچیلیشینی اعلان قیلیشدی. اوشبو لابراتوار‌نی ایجاد اېتیلیشی‌ده قریب اوچ میلیون افغانی صرفلنگن. اوشبو لابراتوار “P.R.B”خیریه تشکیلاتی و آلمان‌نینگ رواجلنیش و اقتصادیات وزیرلیگی نینگ مالی یاردمی بیلن جوزجان ولایتی مرکزی شبرغان شهریده قوریلگن. اوشبو لابراتوار، جوزجانده آزیق-طعام خوفسیزلیگی دستورلری و دهقانچیلیک بیلن شغللنگن عیاللر نینگ اقتصادي امکانیتلرینی رواجلنتیریش مقصدیده ایجاد بولگن.
جوزجان زراعت، سوغاریش و چارواچیلیک اداره‌سی باشلیغی شفیق‌اللله تلاش نشانه خبرآژانسی بیلن صحبت ده، بوندن سونگ ولایت ده دهقانچیلیک ایشلر بویچه فعال بولگن عیاللری اوچون ضرور بۉلگن قوزی‌قرینی اوروغی لابراتوار‌ده ایشلب چیقریلیشینی ایتدی. جناب تلاش نینگ قۉشیمچه قیلیشیچه، حاضرگی کونده جوزجانده ۳۸۰ گه یقین عیال سارق یا قوزی‌قرینی اۉسیملیکینی اېتیشتیریش بیلن شغللنه‌دی.
یقینده P.R.B خیریه تشکیلاتی سارق یتیشتیریش اوچون کیرک بولگن اسکونه‌لرینی ولایتده‌گی دهقان عیاللرگه ترقتکندی. جوزجان ولایتی زراعت، سوغاریش و چارواچیلیک اداره‌سی باشلیغی‌نینگ ایتیشیچه، بو دستور عایله‌لر و عیاللرنی اقتصادي جهتدن کوچه‌یتیریشگه مۉلجللنگن.
جوزجان زراعت اداره‌سي باشلیغی، بو لابراتوار، بلخ، فاریاب و سرپل ولایتلری اوچون هم سماروق ایشلب چیقریشی ممکنلیگینی توشونتیره‌دی. ذاتاً، تکامللشتیریلگن سمارق آره‌لیغی ننگرهار ولایتیدن جوزجانگه اېتیشتیریش اوچون کېلتیریلدی. سمارق اۉسیملیکینی اېتیشتیریش جوزجان ولایتیده‌گی قیشلاق عیاللری نینگ ینگی مشغولاتی دیر.
عینِ پیتده شبرغان بازاریده هر بیر کیلوگرام قوزی‌قرینی یا سمارق اۉسیملیکی ۲۰۰ افغانی ساتیلماقده. عینِ پیتده جوزجان‌نینگ قۉشنی ولایتلریده، اینیقسه مزارشریف‌ده بیرکیلو سماروق اۉسیملیکلری ۵۰۰ افغانی ساتیلماقده.
جوزجان ولایتیده سمارق اېتیشتیریش و استعمال قیلیشنی ترغیب قیلیش ینگی ایش دېب حسابلنه‌دی. زراعت اداره‌سي،نادولت تشکیلاتلر بیلن همکارلیکده سۉنگگی بېش ییل ایچیده اوشبو اۉسیملیکنی جوزجانده اېتیشتیریشگه کۉمکلشماقده. اوشبو اۉسیملیکنی اېتیشتیریش آرقه‌لی دهقان عیاللرنی اۉزینی اۉزی تأمینلشگه اونده‌گن. P.R.B موسسه سی معلوماتلریگه کۉره، جوزجان ولایتیده هر ییلی تخمیناً ۲۵۰۰ کیلوگرام سمارق یتیشتریلیب بازارده ساتیلماقده.
