جوزجانده اوی باغلری یره‌تیشگه عیاللر نینگ قیزیقیشینی آشگن
neshananews
06 July 2021جوزجان عیاللر نینگ اوی باغلری یره‌تیشگه بۉلگن قیزیقیشی اۉتگن ییللرگه نسبتاً آرتکن. جوزجان ولایتی دهقانچیلیک و چارواچیلیک اداره‌سي نادولت تشکیلاتلر بیلن همکارلیکده مینگلب فارمر عیاللرنی اوی باغلرینی یره‌تیشگه اونده‌گن. اوشبو عیاللر نینگ اکثریتی کیچیک باغلر یره‌تیش اوچون مخصوص زراعت یاردملریگه اېگه بۉلیشکن.
جوزجان ولایتی زراعت اداره‌سي یقینده ۳۷۰ نفر عیال دهقانلرگه کیرک بولگن اسباب و جهازلرینی ترقه‌تدی. ولایت دهقانچیلیک، سوغاریش و چارواچیلیک اداره‌سی متصدیلری شبرغان شهری و اقچه و خواجه دوکوه تومنلریده عیاللر اوچون اوی باغلری یره‌تیش اوچون اسکونه‌لر ترقه‌تیلگنلیگینی اَیتماقده‌لر.
زراعت اداره‌سي باشلیغی شفیق‌اللله تلاش نشانه خبرآژانسی‌گه ایتیشیچه، اشبو دستور عیال دهقانلر قابلیتی و امکانیتلرینی کېنگه‌یتیریشگه قره‌تیلگن. جناب تلاش نینگ سۉزلریگه کۉره، ۳۷۰ نفر دهقان عیاللرگه ۱۳ گه یقین قیشلاق خۉجه‌لیگی اسبابلری، شو جمله‌دن اۉسیملیک اوروغلری ترقه‌تیلگن. جناب تلاش نینگ قۉشیمچه قیلیشیچه، دهقان عیاللر شبرغان بازاری اوچون سبزه‌وات یتیشتیریش‌لری ممکن. جناب تلاش نینگ سۉزلریگه کۉره، شبرغان بعضی سبزه‌واتلر حاضرگی پیتده عیال دهقانلر نینگ اوی باغلریدن اېتکزیب بېریلماقده. جناب تلاش نینگ تأکیدلشیچه، جوزجان ولایتیده‌گی دهقان عیاللر نینگ ۷۰ فایزگه یقینی انه شو اوی باغلرده ایشله‌یدی.
بیراق، گل‌غوتی سۉنگگی تۉرت ییل ایچیده اوی باغیده دهقانچیلیک بیلن شغللنگن عیاللردن بیری‌دیر. گل‌غوتی خانیم نینگ ایتیشیچه، او اۉز باغیده بادرنگ، گشنیز، پمه‌دور و لیمو اۉستیره‌دی. گل‌غوتی نینگ سۉزلریگه کۉره، او سبزه‌وات ېتیشتیریش دا ییلیگه ۵۰-۱۰۰ مینگ افغانی درآمد آله‌دی.
گل‌غوتی، شونینگدېک، جوزجان ولایتیده‌گی معلم‌تربیه‌لش آشیریش انستیتوتی نینگ طلبه‌سی دیر. او اوی باغلرینی یره‌تیش امکانیتینی یره‌تیب، تعلیم خرجتلریدن تشقری، عایله‌سیگه مادّي جهتدن هم یاردم بېریشینی دن سوزلشدی. او اۉز اوییده‌گی باغ محصولاتلرینی شبرغان بازاریگه ساته‌دی.
حبیبه خانم – آلتی کیشیلیک عایله‌نی باشقه‌ره‌دیگن ینه بیر دهقان عیال دیر. اونینگ ایتیشیچه، او اۉز باغیده لبلبو، گندنه و پمه‌دور اېتیشتیره‌دی. حبیبې خانم نینگ سۉزلریگه کۉره، اوی باغی محصولاتلرینی ساتیشدن ییغیلگن پولنی اونینگ عایله‌سیگه صرفله‌یدی. حبیبه جوزجان ولایتی نینگ کهلیک قیشلاغیده بېش ییلدن بېری دهقانچیلیک بیلن شغللنه‌دی.
جوزجان ولایتی زراعت و چارواچیلیک اداره‌سي بو ییل ولایتده سوو اېتیشماوچیلیگی و قتّيق قورغاقچیلیکدن اذیت چېککن ۳۷۰ نفر دهقان عیاللرگه باغدارلیک جهازلرینی ترقه‌تماقده. اوی باغلریده اېسه قطره‌قطره تامییاتکان سوغاریش سیستمیدن فایده‌لنیله‌دی.
