جوزجان‌ده اردو نینگ هوا هجومیده ۱۶ طالبان جنگچیسی اۉلدیریلدی
neshananews
28 July 2021مملکت شِمالیده‌گی شاهین ۲۰۹ قول‌اردوسی، جوزجان ولایتی مرکزی شبرغانده‌گی طالبان قرارگاهی‌گه اویوشتیریلگن هوا هجومی عاقبتیده ۱۶ جنگچی اۉلدیریلدی و ۱۳ کیشی یاره‌لندی.
۲۰۹ شاهین قول‌اردوسی بوگون ایرته ( چهارشنبه ۶ اسد) نشرایتکن خبرنامه‌سیده، کېچه اردو هوا کوچلری طالبان نینگ شبرغان شهری اطرافیده‌گی موقع‌لرینی نشانگه آلگنی‌دن خبربیرگن.
هجوملر شبرغان شهری نینگ حسین تابین و مُرغاب قیشلاقلریده صادر بۉلگن. شاهین ۲۰۹ قول‌اردوسیگه کۉره، هجوملر پیتیده ۱۶ طالبان جنگچیسی اۉلدیریلگن، ۱۳ نفری یاره‌لنگن.
شِمالده جایلشگن اردو رسميلری طالبان جنگچی لریدن اون‌کیشی مملکت خوفسیزلیک و مدافعه کوچلری تامانیدن قۉلگه آلینگنلیگینی قۉشیمچه قیلدی. طالبان حلی گه‌چه بو حقده ایضاح بېرمه‌گن.
بیر آیدن بویان اوردونینگ هوا‌قوتلری جوزجان ولایتی مرکزی شبرغان اطرافیده‌گی طالبان موقع‌لرینی هر کونی هوا هجوملری بیلن نشانگه توتماقده. طالبانلر شبرغان جَنوبیده‌گی قیشلاقلرده جایلشگن. طالبان ایکّی هفته‌دن بویان شبرغان شهرینی اېگه‌للب آلیشگه اورینماقده، اما حاضرچه موفقیتسیزلیککه اوچره‌گن.
