جوزجانده عامهوي سفربرلیک؛ جنبش طرفدارلری خوفسیزلیک کوچلرینی قۉللب-قوّتلش اوچون کۉچهلرگه چیقیشدی
جنبش نینگ یوزلب طرفدارلری خوفسیزلیک کوچلرینی قۉللب-قوّتلش و طالبانگه قرشی کورهشیش اوچون جوزجانده کۉچهلرگه چیقیشیب نمایش اوتکزگن شبرغان شهریده بۉلیب اۉتگن کتّه نمایش پیتیده بو آدملر تورلی قوراللرنی آلیب، خوفسیزلیک کوچلرینی قۉللب-قوّتلشلرینی اعلان قیلیشدی.
جنبش طرفدارلری، قۉللریدهگی قورال-یراق بیلن طالبانگه قرشی کورشیشلرینی ایتیشکن. اولر کَلاشنیکوف و قیلیچ کوتاریب خوفسیزلیک کوچلرینی قۉللب-قوّتلاوچی شعارلر چقیردیلر. بو نمایشچیلر شبرغان شهریده قریب بیش کیلومترریولنی گیزیب طالبانگه مملکت شمالی حدودلریده یول بیرمسلیکل ینی تاکیدلشدیلر.
جوزجان ولایتیدهگی جنبش حزبی نینگ یاشلر تشکیلاتی باشلیغی قدرتالله وطن نینگ ایتیشیچه، ملي جنبش حزبی رهبری مارشال عبدالرشید دۉستم بویروغی اساسیده اهالی قورال کۉتاریب، خوفسیزلیک کوچلر و محلي حکومتنی قۉللب-قوّتلشلرینی اعلان قیلیشگن. جناب وطن طالبانگه قرشی جنگ میدانیده جنگ قیلیشگه تیار اېکنلیکلرینی قۉشیمچه قیلهدی.
جنبش حزبی یاشلر تشکیلاتی باشلیغی نینگ قۉشیمچه قیلیشیچه، اوشبو کوچلر مملکت خوفسیزلیک و مدافعه کوچلری بیلن همکارلیکده طالبانگه جوزجان ولایتی مرکزی شبرغان شهرینی بېقرارلشتیریشیگه یۉل قۉیمهیدی. وطن جنابلری او و جوزجاني یاشلری اوشبو نمایش باشلش آرقهلی مدنی قدریتلرینی قۉللب-قوّتلشگه اینتیلهیاتگنلیکلرینی تأکیدلهماقده. قدرتالله وطن نینگ سۉزلریگه کۉره، نمایشده جوزجان ولایتیدن مینگدن آرتیق آدم قتنهشگن.
عینِ پیتده، جوزجان ولایت کېنگاشی نمایندهسي عبدالهی حیات اوشبو عامهوي سفربرلیکنی شکللنتیریشده جوزجانده یشاوچی برچه ملت وکیللری اشتراک اېتگنلیگینی ایتدی. جناب حیات توشونتیریشیچه، آدملر کۉمِیلگن قوراللرینی تیکلشگن و افغانستان نینگ حدودي یخلیتلیگی، قانون و افغانستان حاکمیتینی قۉللب-قوّتلش اوچون طالبلرگه قرشی کورهشیشگه تیار دیر. جناب حیات جوزجان ولایتیده عامهوي سفربرلیک شکللنگنینی و بو کوچلر محلي حکومت خواهلهگن وقتده جنگ میدانیگه کیریشگه تیارلیگینی قۉشیمچه قیلهدی.
عینِ پیتده جوزجاندهگی محلي زسمیلر اۉز-اۉزیدن پیدا بۉلگن خلق حرکتلرینی ممنونیت بیلن آلقیشلب و ولایتده عامهوي سفربرلیکنی شکللنتیریش اوچون بیرگهلیکده ایشلشگه تیار اېکنلیکلرینی بیلدیردیلر. جوزجان ولایت حاکمی اۉرینباسری عبدالقادر مالیه نینگ تأکیدلشیچه، محلي حکومت قانونگه ماس و خوفسیزلیک کوچلری تمایللری اساسیده خلق سفربرلیگینی قۉللب-قوّتلهیدی.
جناب ماليه جوزجان ولایتی اهالیسی نینگ بو حرکتینی یوقاری بهالهیدی. جناب مالیه نینگ تأکیدلشیچه، تېز آرهده اۉز-اۉزیدن پیدا بۉلهدیگن کوچلرنی تشکیل اېتیش و آدملرنی خوفسیزلیک و مدافعه مؤسسهلریگه سفربر اېتیش جریانی باشلنهدی. اونگه کۉره، اوشبو کوچلرنی ایچکی ایشلر و ملي مدافعه وزیرلیگی باشقهرهدی.
تخمیناً ایکّی هفته آلدین جوزجان ولایتی مرکزی شبرغانشهریده بیر قطار عیاللر قورال کۉتاریب، خوفسیزلیک و مدافعه کوچلرینی قۉللب-قوّتلشلرینی اعلان قیلیشدی. جوزجاندهگی محلي حکومت عیاللر نینگ اوشبو حرکتینی قۉللب-قوّتلهدی. عینِ پیتده یوزلب یاشلر حاضرچه طالبانگه قرشی جنگ میدانیده خلقنی سفربر اېتیش یۉلیده کورهشماقدهلر.