جوزجان‌ده ۲۹ طالب جنگری، جمله‌دن بوگروه‌نینگ بیر قوماندانی اۉلدیریلگن
neshananews
13 July 2021۲۰۹-شاهین قول‌اردوسی نینگ بیلدیریشیچه، جوزجان ولایتیده طالبان نینگ ۲۹ جنگچی، شو جمله‌دن بو گروه نینگ مهم بیر قوماندانی اۉلدیریلگن.
شاهین قول‌اردوسی بوگون ( سه‌شنبه ۲۲سرطان ) نشر ایتکن خبرنامه‌سیده، بوجنگچیلر کېچه کېچقرون جوزجان-سرپل شاه‌یولی یقینیده جایلشکن افغان-تپه حدودیده اردو نینگ هوا هجومی نتیجه‌سیده اۉلدیریلگن.
شاهین قول‌اردوسی خبرنامه‌سیده هجومده هلاک بۉلگنلر آره‌سیده طالبان نینگ مهم قوماندانی هم بارلیگی ایتیلگن. خبرنامه‌گه کوره طالبان قوماندانی نینگ اسمی کېلتیریلمه‌گن.
۲۰۹- شاهېېن قول‌اردوسی خبرنامه‌سیده، هوا هجومیده طالبلر نینگ کتّه مقدارده‌گی قوراللری و یراق‌لری هم یۉق قیلینگن.
عینِ پیتده طالبان تومنلرنی اېگه‌للب آلیش اوچون هجوملرینی کوچه‌یتیردی. خودّی شونده‌ی، اردو هم سۉنگگی پیتلرده طالبان پازیتسيه‌لریگه هوا هجوملرینی کوچه‌یتیرماقده.
