جوزجان ولایتیده بیرقطار سپورتچی قیزلر، عیاللرگه قرشی زوروانلیک لر آلدینی آلیش اوچون باشلنگن ۱۶ کونلیک کمپاین دوامیده « عیاللرگه قرشی زوروانلیک نی منع ایتیش اتفاقی» دفتری همکارلیگی بیلن بیرکون لیک والیبال بیله شوی شبرغان شهریده یولگه قویلدی.

بو بیله شو تشبثکاری و بو اتفاق دفتری مسوولی فرزین فهیمی نشانه خبر آژانسی بیلن صحبت ده دیدی بو والیبال بیله شوی ایککی سپورتچی قیز گروه لری ارا بولیب اوتکن. اونگه کوره بو بیله شو یولگه قویلشی دن مقصد اولکه نینگ سیاسی و اجتماعی فعالیت لرده قیزلر رولی و تشبثی نی آشیریش بولگن. عیاللرگه قرشی زوروانلیک نی منع ایتکن اتفاق دفتری مسوولی، بیز بو والیبال بیله شونی یولگه قویش بیلن ۲۴۰ دن کوپراق قیز و عیاللرنی سپورت محللریده دعوت ایتدیک و بوندای فضالرده عیال و قیزلرنی حضور و قتنشیشی  اولکه داشلری میزنی فکر و اندیشه لریده مثبی تاثیر قالدیره آله دی دیب تاکیدلشدی.

عینی حالده جوزجان ولایتی عیاللر اداره سی ریسی مسلمه عطایی، عیاللرگه قرشی زوروانلیک لر آلدینی آلیش مقصدیده بوندای بیله شولرنی یولگه قویلیشی، جماعه فکر و اندیشه لریده عیال و قیزلرگه نسبتن توغریدن توغری تاثیر قالدیره دیدی. اونی معلوم قیلیشیچه جوزجان ولایتی نینگ چکه حدود و قشلاق لریده اوروش و ناتینچلیک سبب عیاللر و قیزلرگه صدمه کوپ یتکزیب و عیاللر ایشلری اداره سی اوتکن تورت کون دوامیده عیاللرگه قرشی ایککی زوروانلیک واقعه نی تیکشیرگن دیدی. جوزجان ولایتی عیاللر اداره سی رییسی گه کوره جاری ییل ده عیالرگه نسبتن زوروانلیک لر رقمی اوتکن ییل گه قرگنده کمیگن، اما اونی معلوم قیلیشیچه اکثر روزانلیک لر بو ولایت نینگ اوزاق توشکن تومنلریده یوز بیریب و اکثر قضیه لر رسمی ارگانلرده ثبت بولمی قالگن

باشقه تماندن جوزجان قیزلر والیبال گروهی اعضاسی خدیجه عزیزیگه کوره اوتکن اون ییل دوامیده شبرغان شهر اهالی سی نینگ عیاللر سپورتی گه نسبتن کوز قره‌شلری اوزگرگن دیب حاضرچه بیزنینگ سپورت گروهی میز آسانلیک بیلن مکتب ده مشق قلیب و بیز قیزلر بو بیله شوده قتنشیشی میز بیلن عیاللرگه قرشی زوروانلیک لرگه یوق دیمیز دیب تاکیدلشدی.

عیاللرگه قرشی زوروانلیک لرگه نسبتن ۱۶ کونلیک کمپاین اوندای بیر حالده جوزجان ولایتی ده باشلنگن که اوتکن کونی جوزجان ولایتی عیاللر اداره سی بو ولایت نینگ بیر اوزاق توشکن قشلاقیده بیر بیش یشر قیزنی بدل ده بیریشی آلدینی آلیش گه موفق بولگن. بوندن بیر هفته آلدین هم جوزجان ولایتی ده عیاللر حقلری فعاللری تمانیدن قیزلر ارا شطرنج بیله شوی یولگه قویلگندی. عیاللرگه قرشی زوروانلیک نی منع ایتیش ۱۶ کونلیک کمپاینی بیرلشکن ملت لر تشکیلاتی نی عیاللر بولیمی مالی یاردمی بیلن بوتون مملکت ده بوندن یتی کون آلدین باشلنگندی.