جوزجان ولایتی نینگ کرونا ویروسی گه قرشی کورش کمیته سی مسوللری، بو ولایت ده کرونا ویروسی گه قرشی کورش اوچون اجرتیلگن بودجه صرفلنیشی راپورینی بیر خبری یغین ده نشرایتکن. بو راپورگه اساساٌ بو بودجه دن ۸۵ فایزی صرفلنگن.

جوزجان ولایت حاکمی اورین باسری وکرونا ویروسی گه قرشی کورش کمیته سی مسولی بوکون (پنجشنبه۱۸ ثور) شبرغان شهریده اوتکزیلگن بیرخبری یغنیده دیدی:« کروناویروسی گه قرشی کورش کمیته سی مسوللری حاضرگه قدر ۱۷ میلیون افغانی نی بو یولده صرفلشکنلر. صرفلنگن بومبلغ بیرمخصوص کمیته تمانیدن نظارت بولیب کوزتیلماقده.»  مالیه جنابلری علاوه ایتی بو بودجه صرفلنیشی اوچون کیرکلی شفافیت و نظارت اوچون ایککی علاحیده تدارکات و نظارت کمیته لری، کرونا گه قرشی کورش ولایتی کمیته دایره سیده ایجاد بولگن و بوکمیته لرده مدنی جماعه و رسانه فعاللری نی عضویتی بار. مرکزی حکومت جوزجان ولایتی ده کرونا ویروسی گه قرشی کورش اوچون ۲۰ میلیون افغانی بودجه اجرتکندی. جوزجان ده کرونا ویروسی گه قرشی کورش کمیته سی حاضر اوچ میلیون افغانی مبلغ گه ایگه دیر و  حکومت بو خصوص ده باشقه بودجه هم بو ولایت گه اجرته می یا یوق هنوز نامعلوم دیر.

 جوزجان ولایت حاکمی اورین باسری، بو کمیته، مرکزی حکومت تمانیدن اجرتیلگن مبلغ دن کرونا ویروسی گه قرشی کورش یولیده اوچ قلم تبلیغاتی اسبابلر، اوچ قلم ضدعفونی ماده لر و اوتیزسکیزقلم ساغلیک نی سقلش ماده لری ساتیب آلگنی نی ایضالشدی. بونگه علاوه مالیه جنابلری بو بودجه دن جوزجان مرکزی و تومن لریده اهالی گه معلومات یتکزش اوچون۱۴ نقلیه واسطه لریگه هم کرایه تولنگنی نی ایتی. اما بیرقطار محلی مسوللر کرونا ویروسی گه قرشی کورش اوچون تومن لرده تبلیغاتی دستورلر یولگه قویلگنی دن هیچ خبر یوق دیب ایتکنلر. خواجه دوکوه تومن حاکمی احمدجاوید نشانه خبر آژانسی بیلن صحبت ده دیدی حاضرگه قدرهیچ بیر نقلیه واسطه بو تومن اهالی سیگه معلومات یتکزیش اوچون کیلمگن دیدی. اونگه کوره فقط بیرمقدار تبلیغاتی ورقه لر ولایت حاکملیگی تمانیدن بو تومن گه یوباریلگن. عینی دمده خم‌آب تومن حاکمی انجنیراحمد هم بو تومن گه حاضرگه قدر تبلیغات و مردم گه معلومات بیریش اوچون هیچ بیرنقلیه واسطه بو منطقه گه کیلمگن دیدی.

 اوتکن هفته ده شبرغان شهری یشوچی لریگه معلومات یتکزیش اوچون نقلیه واسطه لرتبلیغاتی کاروانی شبرغان شهریده کمپاین یولگه قویگندیلر. جوزجان ولایتی خبرو مدنیت اداره سی ریسی عظیم الله رحمانیار بو کاروان یقین جیله جکده جوزجان ولایتی تومنلریگه جونتیلیب مردم نی کروناویروسی خطرلریدن آگاه لنتیرماقچی دیب ایتکندی.

بوندن اوتر جوزجان ولایت حاکمی اورین باسری حاجتمند عایله لرگه یاردم ترقتیش حقیده ده هم ایضاح بیریب دیدی بیرینچی آدیم ده بازاردن ساتیب آلینگن ییم لیک اشیالر بیمارلری شفاخانه ده قرنطینه ده سخلنه یاتکان کیشی لرگه ترقله دی و سونگی باسقیچ ده ایسه عایله اعضالری کرونا ویروسی نی یوقتیرش گه شبهه لی بولگن واوی قرنطینه سیده کون کیچیریاتکان عایله لرگه ترقتیله دی. بو یاردم لر بوغدای، برنچ و یاغ دن عبارت دیر.

 جوزجان ولایتی بیرقطار مدنی فعللری جوزجان ولایتی یشوچیلریگه بوله جک یاردم لر ییترلی بولمگنی نی ایتیب و حتی شفاخانه ده کرونا ویروسی نی یوقتیرگن کیشی لرنی سخلش اوچون ییترلی یاتاق موجود ایمس لیگی نی ادعا قیلگن لر. اما عبدالقادر مالیه ولایت حاکمی اورین باسری شبهه سیز بو ۲۰ میلیون افغانی بیلن محلی اداره برچه کمچیلیک لرنی برطرف ایته آلمیدی دیب ایتی بو مبلغ نی اوته ضرور بولگن جای لرده صرفلب و هرقندای حیف ومیل آلدینی آلیش ده سعی قیله میز دیدی.

  جوزجان ولایتی ده حاضرگه قدر کروناویروسی نی یوقتیرگن ۳۲ مثبت واقعه رویخط ده آلینگن .  بوندن بیربیمار عالم دن اوتکن و بیر بیمار هم ساغلگن.

بو ولایت نی ساغلیک نی سقلش مسوللری تازه لیک ده ۷۲ شبهه لی واقعه نمونه سی مزارشریف ده‌گی کروناویروسی لابراتواریگه یوباریلگنی دن خبر بیریب بیز اونی نتیجه سینی کوتماقده میز دیب ایتی. جوزجان ساغلیک نی سقلش مسوللری بو بولایت ده کرونا ویروسی نی یوقتیرگن ۶۰ یاتاقلی شفاخانه ایجاد ایتیلگن دیدیلر.

 جووزجان مرکزی شبرغان شهریده ایککی هفته دن بیری قرنطینه جاری بولگن و بوولایت نینگ کروناویروسی گه قرشی کورش کمیته سی تازه لیکده صادرقیلگن قراریگه اساساٌ آذوقه ساتوچی دوکانلرهفته ده ایککی کون یعنی دوشنبه و پنجشبه کونلری فعالیت قیلیشی گه رخصت بیریلگن و باشقه کونلرتعطیل ایکنی نی تاکیدلنگن.