جوزجان ولایتی مرکزی شبرغان شهریده کرونا ویروسی نی یوقتیرگن بیرقطار بیمارلر کووید۱۹ شفاخانه سیده یاتقیزلیش و قرنطینه گه سخلنیش دن باش تارتماقده لر. بو بیمارلراویلریده قرنطین بولیش نی شفاخانه دن کوره افضل کورماقده لر. جوزجان ولایتی مدنی فعاللری بو وضعیت دن تشویش اظهار ایتیب دولت وساغلیک نی سقلش ارگان لر، کرونا ویروسی نی یوقتیرگن بیمارلر اویلریده قرنطینه بولیش گه رخصت بیرمسلیک لری کیرک دیب ایتیشماقده لر.

جوزجان ولایتی یاشلر آمریتی باشلیغی و مدنی فعال اخترمحمدفیضی نشانه خبرآژانسی بیلن صحبت ده دیدی:« جوزجان مدنی جماعه سی راپورلریگه مطابق کروناویروسی نی یوقتیرگن بیرقطار بیمارلر اویلریده قرنطینه دیرلر و بو حساس وضعیت ده ساغلیک نی سقلش ارگان لر بو بیمارلرنی شفاخانه لرده یاتقیزیب مراقت قلیش لری لازم و اولرنی اویلریده قرنطینه بولیش گه رخصت بیرمسلیگ لری کیرک.»

بو مدنی فعال گه کوره بیرعاطفی اولکه ده  بیمارلراوزلرینی اوی لریده قرنطینه قلیش بیلن عایله اعضالریگه کوپراق صدمه یتکزیش لری ممکن. اونی معلوم قلیشیچه اوی قرنطینی ده بیمار قوم وقرینداشلری ودوست لری باردی کیلدی سی سبب بو کسل لیک باشقه لرگه یوقیشی ممکن. فیضی جنابلری علاوه ایتی جوزجان اکثر یشوچی لری ساغلیک نی سقلش اصول و توصیه لریدن اوتچه لیک باخیر ایمس لر و عایله لر کیرک بولگن مراقبت لرنی عملی قیله المیدیلر.

  عینی حالده جوزجان ولایتی عامه ساغلیک اداره سی باشلیغی فریدعزیزی نشانه خبرآژانسی گه دیدی:« بخت گه قرشی کرونا ویروسی نی یوقتیرگن بیمارلردن کوپراقی شفاخانه ده یاتقیزلیش نی ایسته میدیلر و بعضی وقت لر بیمارلرنینگ عایله اعضالری کیلیب بیمارلرینی اویلریگه آلیب کیته دیلر.» عزیزی جنابلریگه کوره کرونا ویروسی نی یوقتیرگن بیرقطار ساغلیک نی سقلش ملازم لرو شفاکارلراوی قرنطینه سیده دیرلر و بو قتلم عامه ساغلیک وزیرلیگی توصیه لریگه عمل قیله دیلر، اما عادی اهالی ساغلیک نی سقلش توصیه لرگه جدی عمل قیلمیدلر.

 جوزجان ولایتی عامه ساغلیک اداره سی باشلیغی گه کوره ساغلیک نی سقلش مسوللری، امنیتی قوتلروقریه دارلرهمکارلیگی بیلن کرونا ویروسی گه یوقتیرگن کیشی لرنی شفاخانه گه انتقال بیرگنلر اما  بیمارلرو عایله لری بو کیشی لرنی اویلریگه انتقال بیریش اوچون باربار مراجعه ایتکن. عزیزی جنابلری حتی بعضی وقت لر عالی رتبه لی محلی مقام لرهم کرونا ویروسی نی یوقتیرگن بیمارلرنی شفاخانه دن رخصت قلیب اوی ده قرنطینه بولیشی گه ارلشکن لردیدی. جوزجان عامه ساغلیک اداره سی مسولی اما بو مقام لراسمی نی فاش ایتیلیشی نی ایسته میدی.

موجود معلومات لرگه کوره حاضرگه قدر جوزجان ولایتی ده کرونا ویروسی نی یوقتیرگن ۳۲ مثبت واقعه رویخط ده آلینگن. بولردن فقط ۱۱ کیشی سی کووید۱۹ شفاخانه سیده یاتقیزیلگن و باشقه لری اویلریده قرنطینه دیر.بو بیمارلر جوزجان ولایتی عامه ساغلیک اداره سی مخصوص گروهی نظارتی آستیده دیر. بو بیمارلردن اوچ کیشی سی شفاکار و بیش کیشی سی هم ساغلیک نی سقلش خادم لری دیر.