جوزجان ولایتی محلی رسیملری، جوزجان ولایتی مرکزی شبرغان شهری و آقچه تومنی ده ایچیملیک سو یتکزیش شو اوچن بیش پروژّ ۱۶ میلیون افغانی بودجه بیلن ایشی باشلگنی دن خبر بیرگن.

محلی رسیملرگه کوره بو پروژه لر اون مترمکعب سو ظرفیتی گه ایگه بولگن بیر کتته کان کانکریتی ذخیره قورلیشی، ایککی تحقیقاتی چوقر قدوق، شبرغان شهریده سویتکزیش ترماقلرینی کینگتیریش و آقچه تومنیده تورت اوستی یاپیق ذخیره گاه نی قوریش دن عبارت دیر. بوپروژه لر قشلاق لرنی رواجلنتیریش وزیرلیگی نینگ سو یتکزیش ملی دستوری تمانیدن تطبیق ایتلماقچی. بو پروژه لر بودجه سی دن ۹۰ فایزی قشلاق لرنی رواجلنتیریش وزیرلیگی و ۱۰ فایزی ایسه محل یشوچیلری تمانیدن تامین لنه دی.

جوزجان ولایت حاکمی اورین باسری عبدالقادر مالیه نشانه خبرآژانسی بیلن صحبت ده دیدی:« شبرغان شهری نینگ اینگ اساسی قیینتچلیک و معمالریدن بیری ایچیملیک سو یوق لیگی دیر.» مالیه جنابلری، محلی اداره بوتون شبرغان شهری ناحیه لریده ایچیملیک سو ترماقینی کینگیتیریش ده سعی قیلماقده دیب ایتی. مالیه جنابلریگه کوره بوکون ایشی باشلنگن بو بیش پروژه کیله سی آلتی آی گه چه بیتکزیله دی. اونی معلوم قیلیشیچه بو پروژه لردن ۲ ایککی مینگ و ۷۹۰ عایله فایده لنه آله دیلر.

عینی حالده، جوزجان ولایتی یشوچی سی غلام عزیز دیدی شبرغان شهری نینگ اوچینچی و تورتینچی ناحیه سی سویی ایچکی دیک ایمس. اونگه کوره شبرغان شهری اوچنیچی و تورتیچنی ناحیه تمان کینگیب بارماقده و بو ذخیره گاه لر قوریلیشی و سو ترماقلری کینگیشی بیلن بو منطقه یشوچیلری معمالری برطرف ایتیله دی.

عینی دمده شبرغان شهری دهقانلری هم دایم سوکمچیلیگی دن شکایت لری بار. اما جوزجان ولایتی محلی مسووللری، زراعت و چاروادارلیک اداره سی ولایت دهقانلریگه ینگی سوغاریش سیستیمی نی تانیشتیرگن و اولرگه کوره یقین کیله جکده جوزجان ولایتی دهقان لری نینگ بوکمچیلیگی برطرف ایتیله دی.