جوزجان ولایتی ده گی سویدن کمیته سی ناگران لرنی تعلیم بیریوچی دفتریگه کوره بو کمیته تعلیمی مرکزیده ۲۳ ناگران باله بیرتعلیمی دوره نی شبرغان شهریده بیتکزگن. اولرگه کوره بو ناگران باله لر بوندن تعلیمی دوره نی بیتکزگندن سونگ دولتی مکتب لرده جذب ایتیله دیلر.
سویدن کمیته سی نینگ ناگرانلرنی تعلیم بیروچی بولیمی مسوولی محراب الدین کمال نشانه خبرآژانسی بیلن صحبت ده دیدی بو ناکران لر کوزو قلاغ دن عاجز و شونینگ دیک ذهنی و عقلی تاخرگه دچار بولگن باله لردیرکه بو تعلیمی دوره نی یکون لنتیرگن لر. کمال جنابلری علاوه ایتی بو باله لر مخصوص تعلیمات جمله نی یوللرینی تاپیش، بریل خطی، عصا بیلن یوریش، اشاره و ایما تیلی و حیات نینگ باشقه مهارتلرینی بو دوره ده اورگنگنلر.
بو مسووللر بو ناگران باله لر ایککی دن اوچ ییل گه چه بو مهارتلرنی بو مرکزگه تعلیم آلیش دن سونگ بو مرکزدن فارغ بولگن لردیب ایتکن. کمال جنابلری بو ناگران باله لر اوز استعداد و لیاقت لری گه اساسا” دولتی مکتب لرده جذب بوله دیلر.
عینی حالده بو باله لردن بیری نینگ آته سی ولی محمد دیدی مین بوندن آلدین فرزندم تعلیمی بویچه امیدیم نی قولدن بیرگندیم اما حاضر قلاغ دن عاجر بولگن ۱۳ یاشلی فرزندم اوزینی کونده لیک مشکلات و ضرورتلرینی اشاره تیلی و قلم بیلن حل ایتیش ده قادر بولگن. ولی محمد جنابلری بو وضعیت دن خرسندلیک بیلدیریب دیدی فرزندم شبرغان شهری مكتب لريدن بيريده تورتينچي صنف ده درسيني باشله گن. بو ناگران باله آته سي فرزندي كيله جكده مهندس بوليشي ني آرزو قيله دي.
مصطفي سويدن كميته سيدن فارغ بولگن ناگران باله لردن بيري دير.او ايككي ييل تعليم دن سونگ حيات و كوندليك ايشلريني بحريش مهارتلريني اورگنيب اوزيگه ته ينگن.
مصطفي آنه سي خانم شمايل ديدي ايندي فرزندي اولكه و مردم بيلن قنداي مناسبت ده بوليش مهارتلريني اورگنگن. خانم شمايل علاوه ايتي:”عقلي تاخري بولگن مصطفي ايندي سلام بيره دي و باشقه لر احوالي سورب خيرلشه دي.” او عيني دمده فرزندي اوقيش و يازيش ني اورگن گني دن هم خرسند دير.
مملكت شماليده فعاليت قيله ياتكان سويدن كميته سي معلوماتيگه كوره بو كميته بوندن ايككي آلدين هم ١٣٩٨ ييلده ١٧٦ ناگران باله لرني جوزجان، بلخ و سمنگان ولايتلريده تعليم بيرگندي.