جوزجان ولایتی محلی رسمیلری کرونا ویروسی ییرلیشی آلدینی آلیش اوچون شبرغان شهریگه دوا سپیش و ضد عفونی قیلیش یونلیشی باشلنگنی دن خبربیرگن. بو ایش « اکتید» دفتری و امنیه قوماندانی لیگی همکارلیگی بیلن یولگه قویلیب اوچ هفته گه چه دوام ایته دی.

 جوزجان ولایت حاکمی اورین باسری عبدالقادر مالیه بوکون یکشنبه ۱۷ حمل نشانه خبرآژانسی بیلن صحبت ده دیدی:« شبرغان شهری دن سونگ جوزجان ولایتی تینچ اولسوال لیک لریگه هم دوا سیپیله دی». مالیه جنابلری بو ایش کرونا ویروسی نابود بولیشی وقتی گه چه دوام ایتیشی نی تاکیدلشدی.اونگه کوره جوزجان محلی حکومتی بوولایت ده کرونا ویرسی ییرلیشی آلدینی آأیش اوچون هیچ بیرسعی و حرکت دن ایه می دی.

جوزجان ولایتی ده فوق العاده حالت لر  و طبیعی حادثه لربویچه فعالیت قیله یاتکان «اکتید» دفتری مسوللری جوزجان ولایتی ده دوا سیپیش ایشی بیرهفته لیک تیارگرلیک لردن سونگ باشلنگنی نی ایتکن. اکتید موسسه سی نی شبرغان ده‌گی مسولی امان الله امین دیدی:« کرونا ویروسی ییرلیشی آلدینی آلیش اوچون هفته ده ایککی بار شبرغان شهری وتینچ تومن لرنینگ برچه محله و کوچه لریگه کیچه تمانیدن دوا سیپلیب و بو ایش نی اوچ هفته گه چه دوام ایتیره میز».

 اکتید موسسه سی مسولی شونینگ دیک شهرنینگ گوجوم منطقه لری و نقلیه واسطه بیکت لریگه دوا سیپیش دن علاوه نقلیه واسطه هیدوچی لری و شبرغان شهریده‌گی نانوایلیک لرگه هم ضد عفونی ماده لرترقته میزدیدی. امین جنابلری گه کوره اهالی گه ساغلیک نی سخلش توصیه لرنی یتکزیش هم بو دفترتمانیدن ریجه لنگن و هرکونی دوام ایته دی.

 هرچند حاضرگه قدر جوزجان ولایتی ده کرونا ویروسی نینگ مثبت واقعه سی رویخظ ده آلینمگن اما جوزجان قوشنی لیگی ده جایلشکن فاریاب وسرپل ولایت لریده کرونا ویروسی نی یوقتیرگن کیشی لر رویخط ده آلینگن.

 شبرغان شهری حاضرگه قدر بوتون لی قرنطین بولمگن.اما بو ولایت ساغلیک نی سخلش مسوللری کرونا ویروسی نی یوقتیرگن یا شبهه لی شخصلرنی سخلش و دوالش اوچون ۵۰ یاتاقلی بیرکسل خانه نظرده آلینگنی نی تاکیدلشکن.

 افغانستان عامه ساغلیک وزیرلیگی نشرایتکن رسمی رقملریگه کوره مملکت ده کرونا ویروسی نی یوقتیرگن بیرینچی مثبت واقعه رویخط ده آلینگنی دن سونگ ۳۰۰ دن کوپراق مهاجرعایله لر ایران دن جوزجان ولایتی گه قیتیب کیلگن. بو عایله لر جوزجان ولایتی عامه ساغلیک ادراه سی نظارتی آستیده ایکنی نی رسمیلر تاکیدلشکن.