جوزجان ولایتی مرکزیده طالبان هجوملرینی چېکلش اوچون حربي عملیات باشلنشی
neshananews
10 July 2021جوزجان شهریده‌گی اردو رسميلری نینگ ایتیشیچه، جوزجان-سرپل شاه‌یولی بۉیلب طالبان هجوملرینی چېکلش بۉییچه قۉشمه حربي عملیات باشلنگن. اولر نینگ سۉزلریگه کۉره، شبرغان‌نینگ افغان‌تپه قیشلاغیده اوردو نینگ هوا هجوملریده ۷۰ گه یقین طالبلر هلاک بۉلگن.
۲۰۹-شاهین قول‌اردوسی نینگ ایککینچی لوا قوماندانی عبدالغنی نظامی نینگ ایتیشیچه، اولر کېچه شبرغان حدودی و جوزجان-سرپل شاه یۉلیده‌گی طالبان موقعلرینی نشانگه آلیشگن. جناب نظامی هجوملرده ۷۰ نفر طالبان جنگچیسی هلاک بۉلگنینی و شبرغان شاه‌یولی اطرافیده‌گی تۉرتته قیشلاق جنگریلردن تازه‌لنگنینی قۉشیمچه قیلدی.
جناب نظامی جراحت آلگنلر حقیده باتفصیل معلومات بېرمه‌دی. خوفسیزلیک کوچلری نینگ اوشبو بیرگه‌لیکده‌گی عملیاتی نتیجه‌سیده جوزجان-سرپل شاه‌یولی تخمیناً بیر آیدن سۉنگ ترانسپورت حرکتی اوچون آچیلدی. جناب نظامی اوشبو عملیات خلق سفربرلیک کوچلری و مارشال عبدالرشید دۉستوم‌گه علاقه‌دار شخصلر اولرگه همراه‌لیک قیلیگنی ني ایتدی.
عینِ پیتده، عملیات جوزجان ولایتی مرکزی اطرافیده هم باشلنگن، بو اېرده طالبلر سۉنگگی اوچ کون ایچیده جوزجان ولایتی مرکزی شبرغان ني نظارت آستیگه آلیش اوچون کېنگ کۉلملی هجوملرنی اویوشتیریشدی. عینِ پیتده خوفسیزلیک و مدافعه قوتلری شبرغان شهریده‌گی افغان تپه قیشلاغی اطرافیده جایلشگن. اوشبو قیشلاق جوزجان ولایتی مرکزی نینگ جَنوبي کمربندیدن تخمیناً ۲۰ کیلومتر اوزاقلیکده جایلشگن.
حکومت کوچلری جوزجان-سرپل شاه‌یولی بۉییده‌گی قیشلاقلرنی تازه‌لشده دوام اېتماقده. طالبان حاضرچه‌بو حقده ایضاح بېرمه‌گن.
