مارشال-دوستم-880x550

جوزجان _ بلخ شاه یولیده دوام ایته‌یاتکان توقنشولر مارشال دوستم ایاغینی اوروش میدانیگه تارتی

neshananews

05 June 2021

جوزجان ولایتی آقچه و فیض آباد تومنلریده طالبان جنگچیلری و امنیتی و مدافعوی قوتلرارا اون کون بیری دوام ایتیب باره یاتکان توقنشولر دوام ایتیب باریشی مارشال دوستم ایاغینی اوروش میدانیگه تارتکن.

مارشال دوستم بوکون ایرته لب ( شنبه ۱۵ جوزا) اوز حربی قوتلری جوزجان _ بلخ شاه یول حدودیده حضور تاپکن. او طالبان گه قرشی اوروش نی اوزی باشقرماقده.

دوستم جنابلری اوندای بیرحالده اوز کوچلری بیلن بو توقنشوده قتنشکن که معلوماتلرگه کوره امنیتی قوتلرنی فیض آباد تومنیده‌گی بیر امنیتی قرارگاه سینی طالبان جنگچیلری تصرف ایتکن.

طالبان هم بیر خبرنامه نشرایتب بو قرارگاه نی تصرف ایتکندن علاوه امنیتی قوتلردن سکیز کیشی نی اولدیریب و ۱۳ عسکرنی هم اسیر الگنی نی اعلان ایتکن.

جوزجان ولایتی بیر امنیتی مقامی بو پوسته طالبان نظارتی ده اوتکنی نی تصدیق لشیب اما کوپراق معلومات بیریش دن وازکیچدی.جوزجان محلی رسیمی لری هم بو توغریده رسمی معلومات نشر ایتمگن.

مارشال عبدالرشید دوستم سونگی وقتلرده طالبان گه قرشی اوروش نی اوزی باشقرماقده. او بوندن آلدین حربی قوتلرینی آقچه تومنیگه هم جونتکندی. دوستم جنابلری قوتلری اوندای بیر حالده اوروش میدانیگه قتنشکن که دوستم جنابلری بوندن آلدین بار بار اگر فرصت بیریلسه مملکت شمالی نی طالبان جنگچی لریدن تازه لنیشی دن ایشانچ بیلدیرگندی.