افغانستان سابق جمهوررییسی حامدکرزی دیدی افغانستان تینچلیک پروسه سی خارجی پروژه دن بیر ملی پروسه گه ایلنیشی لازم و بوندای بولگنده مملکت جاری اوروشیده نقطه قویشی ممکن.

کرزی جنابلری بوکون ( دوشنبه ۱۰ جوزا) کابل ده تینچلیک پروسه سی بویچه اوتکزیلگن بیرکنفرانس ده، افغانستان تینچلیک آقیمی خارجی پروژه گه ایلنگن و شونی اوچون حاضرگه قدر مثبی نتیجه بیرمگن دیب ایتکن.

کرزی جنابلری اوتکن ایککی ییل جریانیده تینچلیک پروسه سی بیلن عینی زمانده اوروش و توقنشولرهم شدت آلگنی دن تنقیدلب دیدی بو آقمیم اولکه ده اوروش گه نقطه قویشی لازم ایدی.

حامدکرزی جنابلری تاکیدلشدی دولت و طالبان تینچلیک پروسه سیگه بیرخارجی پروژه کوزیده ایمس بلکه بیرملی پروسه اوله راق باقیب صلح پروسه سینی جدی ایزلش لری لازم.

افغانستان خارجی قوتلرنی چیقیشی باشلنگنی بیلن صلح مذاکره لر اقیمی توختتب قالگن و اونی قیته باشلنیشی اوچون یولگه قویلگن سعی و حرکت لر حاضرگه قدرمثبی نیتجه بیرمگن.

طالبان گروهی استانبول یغینی ده شرط لی روشده اشتراک ایتیشی نی اعلان ایتکن. مملکت یشوچی لری استانبول یغینی دن افغانستان ده دوام ایتیب باره‌یاتکان اورش گه نقطه قویشی نی کوتماقده‌لر.