حنیف اتمر: القاعده جنگریلری افغانستان نینگ ۱۱ ولایتیده موجود
neshananews
20 June 2021تشقی ایشلر وزیری محمد حنیف اتمر نینگ ایتیشیچه، القاعده بیلن باغلیق جنگریلر افغانستان نینگ ۱۱ ولایتیده طالبان حمایه‌سی آستیده حرکت قیلماقده.
تشقی ایشلر وزیرلیگی‌نشرایتکن خبرنامه‌سیده جناب اتمر کېچه (۲۹ جوز، شنبه) توشدن کېین تورکيه‌ده بۉلیب اۉتگن انتالیا دیپلوماتیک ییغیلیشیده اوشبو مسأله‌نی کۉترگنینی یازگن.
جناب اتمر نینگ تأکیدلشیچه، بیرلشکن‌ملتللر‌تشکیلاتی خوفسیزلیک کېنگشی نینگ شبهه‌لی شخصلر نینگ مملکتگه کیریشینی تعقیقله‌گن بیر نېچه بار قبول قیلگن قرارلریگه قره‌مه‌ی، القاعده افغانستانده‌گی طالبلر نظارتی آستیده‌گی حدودلرده فعال اشتراک اېتماقده،
جناب اتمر نینگ قۉشیمچه قیلیشیچه، افغانستان خوفسیزلیک خدمتی معلوماتلریگه کۉره، اوشبو جنگریلر مملکت نینگ کمیده ۱۱ ولایتیده موجود و فعال‌دیر. جناب اتمر نینگ سۉزلریگه کۉره، افغانستان نینگ شمالي ولایتلریده اۉزبېکستان اسلامی حرکتی، شرقي تورکستان اسلامي حرکتی، خطیبه امام بخاري کبی باشقه جنگری گروهلر هم فعال دیر.
تشقی ایشلر وزیری نینگ تأکیدلشیچه، طالبان بوگروه‌لر بیلن کېنگ علاقه‌ده بۉلیب، ریجه‌لنگن روشده مخدره مادّه‌لر سوداسی کبی جنایتلرنی عملگه آشیرماقده. اونینگ سۉزلریگه کۉره، اوشبو گروهلر بیرگه‌لیکده‌مخدره مادّه‌لر سوداسیدن ییلیگه یوزلب میلیون دالر درآمد آلیشه‌دی.
طالبان امریکا بیلن کېلیشووگه بناءً القاعده بیلن علاقه‌لرنی اوزیشگه وعده بېرگن.
یقینده امریکا جمهوررییسی جوبایدن امریکا قۉشینلری افغانستاندن چیقیب کېته‌یاتگان بیر‌پیتده، اما امریکا و اونینگ شریکلری مملکتده تروریزمگه قرشی کوره‌شنی دوام اېتتیریشینی تأکیدله‌دی.
