355

خاتین-قیزلر نینگ دایمي تینچلیک اوچون ترغیباتی؛ بلخ‌ده یریم میلیون امضا نمایش اېتیلدی

neshananews

15 July 2021

 بیر قطار عیاللر (ائتلاف مشارکت) دفتری بیلن همکارلیکده تینچلیک اوچون دادخواهلیک دستور آرقلی بلخ ولایتیده ۵۰۰ یوزمینگ امضا بیلن تینچلیکنی حمایه‌ قیلیش دستورینی تشکیل اېتیشدی.  اوشبو امضالر مملکت نینگ تورلی ولایتلریده‌گی (ائتلاف مشارکت )  اداره‌سی تمانیدن عیاللردن آلینگن.  بو عیاللر نینگ برچه‌سی مملکتده تینچلیک و اوروش توختتیشینی طلب‌ ایتکنلر.

 ایتلاف مشارکت دفتری اعضاسی بلقیس عطایی بوگون ( پنجشنبه‌‌ ۲۴سرطان) نشانه خبرآژانسی‌‌بیلن صحبت‌ده بو دفتر ۵۰۰  یوز مینگ عیاللردن توپلنگن امضالرنی بوگون بلخ ولایتیده‌گی محلي رسمیلر و مدني فعاللرگه فعاللریگه نمایش ایتیریلگنی‌نی ایتدی.

  خانم‌عطایی نینگ سۉزلریگه کۉره‌، اوشبو مقدارده‌گی امضا مملکت نینگ برچه‌ ولایتلریدن تۉپلنگن.  اوشبو دادخواهلیک اشتراکچیلری اکثریت قِسمی قیشلاق عیاللریدن بولگن.  بلقیس خانم بنرلرده شهر مرکزیگه کیریش گه امکان تاپمگن عیاللر نینگ امضاسی بارلیگینی قۉشیمچه‌ قیله‌دی.

 ایتلاف‌مشارکت دفتری‌نینگ بو اعضاسیگه کوره، بیز یریم میلیون امضانی توپلش و نمایش گه قویش آرقه‌لی، افغانستان حکومتی و طالبان‌نی تینچلیک مذاکره‌لر هیاتلری قولاغیگه مملکت نینگ چیکه حدودلریده حیات کیچیره‌یاتکان عیاللری آوازینی اېتکزیش نیتیده میز.

 بلقیس عطایی ۵۰۰ مینگ امضالردن ۱۲۰ مینگته‌سی شمالي زون‌ده‌گی عیاللردن تۉپلنگنلیگینی قۉشیمچه‌ قیله‌دی.   ایتلاف مشارکت دفتری ۳۴ ولایتده تینچلیک، عیاللر حقوقلری و تعلیم آلیش حقوقینی حمایه‌ قیلیش بویچه فعالیت قیله‌دی.

 مملکت بۉیلب یریم میلیون عیال نینگ امضاسی مستحکم تینچلیک اوچون تۉپلنگن بۉلسه-ده، افغانستان نینگ برچه‌ ولایتلریده خوفسیزلیک حالتی هر قچانگیدن هم یمانراق.  بیر قطار تومنلرنی طالبلر تامانیدن باسیب آلینیشی و عیاللر نی اویلریدن محرمسیز  چیقیشی گه چېکلاولر قۉییش عیاللرنی تشویشگه ساله‌یاتگن مسأله‌لر جمله‌سیدن دیر.