خلقارا عفوتشکیلاتی: طالبان فاریابده تسلیم بۉلگن عسکرلرنی اۉلدیریش بیلن حربي جنایتلرنی صادر اېتهدی
خلقارا عفوتشکیلاتی نینگ ایتیشیچه، طالبلر تسلیم بۉلگن افغانستان اوردوسی نینگ بیر گروه کماندو قوتلرینی اۉلدیریش بیلن حربي جنایتلر صادر اېتگن.
خلقارا عفوتشکیلاتی بوگون (چهارشنبه ۲۳ سرطان) ” سی. ان .ان” تلویزیونی خبریگه اساسلنیب، فاریابده افغانستان اوردوسی نینگ بیر گروه کماندو عسکرلری نینگ طالبان تامانیدن اۉلدیریلیشی یوزهسیدن تېرگاو اۉتکزیشی ني طلب ایتکن.
خلقارا عفوتشکیلاتی طالبان حرکتینی حربي جنایت دېب تعریفلهگن. بیاناتگه کۉره، طالبان نینگ، اۉز یاندشووینی اۉزگرتیرگنی و انسان حقوقلرینی حرمت قیلگنی حقیدهگی تکرارن دعوالری موجود دلیللرگه اساسلنیب مطلقا یالغان دیر.
تشکیلات نینگ تأکیدلشیچه، اگر افغانستان حکومتی فاریاب واقعهسینی تېرگاو قیله آلمهسه، خلقارا همجمعیت و خلقارا جنایي محکمه اوشبو مسأله بۉییچه زودلیک بیلن تحقیقات باشلشی لازم.
بوتشکیلات معلوماتلریگه کۉره، تخمیناً بیر آی آلدین طالبانگه قرشی کورهش نتیجهسیده ۲۲ افغان اوردوسی نینگ قوماندانی گروهگه تسلیم بۉلگن. اما طالبان جنگچیلری تسلیم بۉلگندن کېین عسکرلرنی عامهوي روشده اۉلدیردیلر.
بو طالبان نینگ حربي جنایتلر و انسان حقوقلرینی پایمال اېتیشی بیرینچی مرته اېمس، شو آی باشیده طالبان جنگچیلری کندز مرکزیدهگی ۴۰۰ دن آرتیق عایلهلرنی اویلریدن قوویب چیقریب، اویلری و مال-ملکلریگه اۉت قۉیگن. خلقارا انسانحقلریني کوزهتووچی تشکیلاتی طالبلر نینگ بو حرکتینی انسان حقوقلری نینگ انیق بوزیلیشی دېب تعریفلهگن.