خلقارا عفو تشکیلاتی: افغانستانده تینچ اهالیگه قرشی شفقتسیز هجوملرنی عملگه آشیرووچیلرنی انیقلب جزالنتیرینگ
خلقارا عفوتشکیلاتی تینچ اهالیگه قرشی دوام اېتهیاتگن ریجهلنگن هجوملرنی تنقیدلب و افغانستان حکومتینی بوندهی وحشیانه هجوملرنی صادر اېتگنلرنی انیقلش و جزالشگه چقیرماقده.
خلقارا عفوتشکیلاتی کېچه (چهارشنبه ۲۷ جوزا) نشر ایتکن خبرنامهسیده عادی اهالیگه قرشی ریجهلنگن هجوملردن تنقیدلشکن. تشکیلات خبرنامهسیگه کۉره، بیر هفتهدن کم وقت ایچیده ریجهلنگن هجوملر نتیجهسیده کمیده ۲۴ عادی اهالی هلاک بۉلگن.
تشکیلات، ننگرهارده پولیو اېملش کمپاینی جریانیده تۉرت واکسیناتورلر نامعلوم قوراللی شخصلر تامانیدن هجومگه توتیلگنیني ایسلتکن.
تشکیلات خبرنامهسیگهکۉره، ننگرهارده اېملاوچیلرگه هجوم، کابل نینگ غربي قِسمیده تینچ اهالینی نشانگه آلگن ینه ایکّکی پارتلشدن ایکّی کون کیین صادر بۉلگنی و بو هجوملر نتیجهسیده کمیده ېتتی تینچ فقرا هلاک بۉلیب و آلتی فقرا جراحت آلگنیني ایسلتکن.
خلقارا عفوتشکیلاتی افغانستان حکومتینی تینچ اهالیگه قرشی قرهتیلگن هجوملرنی تېکشیریشگه و اوشبو شفقتسیز هجوملر عیبدارلرینی انیقلش و جزالشگه چقیرگن.
عینِ حالده، سۉنگگی پیتلرده افغانستانده عادی اهالی آرهسیده قربانلر کۉپهیماقده. طالبان ریجهلنگن هجوملرگه علاقهدارلیگینی رد اېتکن، اما حکومت بو هجوملر طالبان نینگ ایشی دېب اَیتماقده.