خلیلزاد: افغانستان تینچلیک آقمیده سونگی آدیم لر مثبی و امیدلنتیروچی دیر
امریکانی افغانستان تینچلیک آقمیده مخصوص نماینده سی زلمی خلیلزاد افغانستان تینچلیک آقمیده سونگی آدیم لرنی امیدلنتیروچی اتب افغانستان ده اوروش نی یکونلنتیریش اوچون سعی و حرکت لر تیزلشتیریلیشی نی طلب ایتکن.
خلیلزادجنابلری بوکون ( یکشنبه ۱۶ قوس) توییتر صحیفه سیده، افغانستان تینچلیک آقمیده سونگی آدیم لر جمله دن قطرده مذاکره لرایش دستوری یکونلنگنی و کابل ده ملی یرشیش عالی کینگاشی تشکیل ایتیلشی نی مثبی و امیدلنتیروچی حرکت دیه بهالشکن.
خلیلزاد جنابلری ملی یرشیش عالی کینگاشی نی، تینچلیک شرایط لری، قدرت بولینیشی، دایمی آتشکیسیم بویچه قرار آلوچی کینگاشی ایکنی نی ایتکن. اونگه کوره مذاکره لر ایش دستوری بویچه یکونی قرار آلینگنی، تینچلیک بویچه مهم و تقدیر تعین لوچی بحث لر جمله دن آتشکیسیم برقرارلیگی و مملکت ده اوروش نی یکونلنتیریش اوچون بیر سیاسی لایحه چیزیش ده شرایط نی مساعد ایتکن دیب تاکیدلشکن.
خلیلزاد جنابلری افغانستان دولتی و طالبان گروهی نینگ مذاکره قیلوچی هیات لریدن، تینچلیک گه ایرشیش اوچون کیلشوگه قول تاپیش مقصدیده سعی و حرکتلرینی تیزلشتیریش لرینی طلب ایتکن.
تینچلیک مذاکره لری باشلنگنی دن سونگ افغانستان دولتی و طالبان گروهی نینگ مذاکره قیلوچی هیاتلری بو مذاکره ایش دستوری بویچه کیلیشدیلر و مذاکره لرنی سونگی باسقیچی نی باشله دیلر. بو بیلن عینی زمانده توقیز آی دن سونگ ملی یرشیش عالی کینگاشی نی تشکیل ایتیلدی. بو کینگاشی تینچلیک بویچه اینگ مهم قرارلرنی صادر قیلوچی ارگان حساب لنه دی. بو آدیم لر مملکت ده اوروش نی یکونلنتیریش اوچون امیدلرنی کوپیتیرگن.