خلیلزاد منطقهگه ینگی سفر دورینی باشلهدی
امریکا نینگ افغانستاندهگی مخصوص وکیلی زلمیخلیلزاد منطقه قطار مملکتل یگه ینگی دورینی باشلهدی. اوشبو سفردن مقصد افغانستان تینچلیک جریانیدهگی ترقیات دېب ناملنهدی.
جناب خلیلزاد اۉزی نینگ تویتتردهگی صحیفهسیده سفر بوگون ( یکشنبه ۲۰ سرطان) باشلنگنینی یازگن. جناب خلیلزاد دوحهگه سفری نینگ بیرینچی باسقیچیده باریشینی قۉشیمچه قیلهدی.
امریکا نینگ افغانستان بۉییچه مخصوص وکیلی افغانستاندهگی اوروشنی توختهتیش نینگ یگانه یۉلی ماجرا تامانلری اۉرتهسیده توزیلگن سیاسي کېلیشوو اېکنلیگینی دوام اېتتیرماقده.
زلمی خلیلزاد برچه سیاسي گروهلرنی، جملهدن افغانستان حکومتی، طالبان و منطقه نینگ افغان تینچلیک جریانیگه جلب قیلینگن باشقه دولتلرینی مذاکرهلر ایجابی نتيجه بیریش یۉلیده ایشلشگه چقیرهدی.
خلیلزاد نینگ منطقهگه سفری افغانستان حکومتی و طالبان هیاتلری اۉتگن هفته تهرانده مملکتده ایکّی آیلیک جنگلردن سۉنگ اوچرهشگن پیتگه تۉغری کېلهدی.