امریکانی افغانستان تینچلیگی بویچه مخصوص نماینده سی زلمی خلیل‌زاد منطقه مملکت لریگه ینگی دوره سفرینی باشله دی. خلیل‌زادجنابلری بیرینچی دن دوحه گه بارماقچی و بو سفردن مقصدی افغان لر ارا مذاکره لرده تاپیلگن توگین نی آچماقچی.

خلیل‌زادجنابلری بوکون ایرته لب ( چهارشنبه ۹ میزان) توییر صحیفه سیده یازگن ینه بیر بار قطر پایتختی دوحه و افغانستان تینچلیک آقیمی گه دخلدار بولگن مملکت لرگه سفر قیلماقچی من. خلیل‌زادجنابلری بو سفرلرجریانیده« افغانستان دولتی رهبرلیک و مالکیتی آستیده‌گی صلح آقیمی، منطقه ای علاقه لر و افغانستان ترقیات کیله جکی و تینچلیک گه باغلیق ترقیات»‌کبی موضوع لرحقیده منطقه مملکت لری باشلیغ لری بیلن اوچرشیب مذاکره قیلماقچی من دیب یازگن.

امریکانی افغانستان بویچه مخصوص نماینده سی افغانستان دولتی و طالبان نماینده لری ارا قطرده دوام ایتیب باره یاتکان مذاکره لرگه اشاره قیلب ایتکن افغانستان یشوچیلری و جهان جماعه سی بو مذاکره لرنی دقت بیلن کوزتماقده لر و بو مذاکره لر افغانستان ده دایمی آتش کیسیم و هرتمان له مه تینچلیک و مملکت سیاسی کیله جکی اوچون بیر یول لایحه نی تیارلش ده موفق بولیشلرینی کوتماقده لر.

بو مذاکره لرباشلنگنی دن ۱۹ کون اوترهلی هم افغانستان دولتی و طالبان نماینده لر بو مذاکره لر ایش طریقه سینی تصدیق لشه المگن. بیرینچی دور مذاکره لرده ایککی تمان، مملکت ده دایمی آتش کیسیم براقرار ایتیلشی ده کیلیشیش لر کوتیلردی.