خلیل‌زاد هندوستان تشقی ایشلر وزیری بیلن افغانستانده تینچلیک اۉرنه‌تیش حقیده مذاکره اۉتکزدی
neshananews
16 June 2021امریکا نینگ افغانستان تینچلیک بویچه مخصوص وکیلی زلمی خلیل‌زاد هندوستان تشقی ایشلر وزیری سابرامانیام جی‌شنکر بیلن افغانستانده‌گی تینچلیک تۉغریسیده صحبتلشدی.
جناب خلیل‌زاد بوگون (چهارشنبه ۲۶ جوزا) تویتتېر-ده‌گی صحیفه‌سیده اوچره‌شوو کېچه قطر پایتختی دوح‌ده بۉلیب اۉتگنلیگینی یازگن. خلیل‌زادجنابلری نینگ یازیشیچه، ایکّی تامان افغانستانده‌گی حاضرگی تینچلیک جریانینی محاکمه قیلگن.
خلیل‌زادجنابلری نینگ سۉزلریگه کۉره، هندوستان سۉنگگی ایگیرمه ییل ایچیده افغانستان نینگ اقتصادي سکتوری و رواجلنیشیده مهم رۉل اۉینه‌گن و تشقی ایشلر وزیری بو رۉل کېله‌جکده هم دوام اېتیشیگه وعده بېرگن.
اونگه کۉره، هندوستان تشقی ایشلر وزیری، شونینگدېک، افغانستان تینچلیک جریانینی قطعي قۉللب-قوّتلشگه وعده بېرگن. هندوستان تشقی ایشلر وزیری‌‌نینگ قطرگه، هندوستان عامه‌وي اخبارات واسطه‌لری بوندن آلدین، بومملکت طالبان بیلن علاقه کانالینی اۉرنه‌تگن دېب دعوا قیلگندن کېین تشریف بویورگن.
