خوشینه خرمی؛ رمزي معناده طالبانگه قرشی قورال آلگن قیز
neshananews
27 June 2021عکسلری شو کونلرده کَلاشنیکوف بیلن اجتماعي ترماقلرده ترقه‌لگن خوشینه خرمی جوزجانلیک یاش قیز دیر. خوشینه خرمی خوفسیزلیک کوچلریدن حمايت کورستیش اوچون قورال آلگن. خرمی خانم نینگ بو حرکتی کۉپلب اجتماعي ترماق فایده‌لنووچیلری تامانیدن آلقیشلندی.
باشقه‌لر اېسه، بو یاقیملی حرکتنی فیسبوکده نشرایتکن فقط بیر عکس دیه بیلیشه‌دی و بونگه قرشی چیقیشگن. عموماً آلگنده، خلق و اوشبو یاقیملی مناسبتلر طرفدارلری تامانیدن قبول قیلینیشی و قۉللب-قوّتلنیشی مخالفت کورستکنلردن کۉره کۉپراق‌دیر. شو نینگ اوچون نشانه اخبارات آژانسی اوشبو یاش قیز و جوزجان عالي اوقویورت طلبه‌سی بیلن مخصوص صحبت اویوشتیردی.
خوشینه خرمی جوزجان عالي اوقویورتب نینگ اجتماعي فنلر فاکولته‌سی نینگ اوچینچی صنفیده درس اوقیدی. خرمی خانم رسم چیزیشده هم مهارتلی و اونینگ اکثریت ایشلری “پورترېت” رسملردن عبارت. او ېتتی کیشیلیک عایله نینگ ایکّینچی قیزی دیر، اما بو هنرمند و قلم بیلن ایش وکاری بولگن قیز، کلاشینکوف بیلن رسمیه تودی؛ چونکه یاش قیزلر کمراق بونقه ایشنی قیلیشه‌دی.
افغانستان شِمالیده، اینیقسه جوزجان ولایتیده طالبان قۉزغآلانچیلری نینگ هجوملری نینگ آغیرلیگی، ولایت نینگ کۉپلب اهالیسینی تقدیری و مدنی اېرکینلیکلری حقیده تشویشلنتیرماقده. شو سببلی، اوچ کون آلدین، بیر قطار عیاللر رمزي حرکت اوله‌راق جوزجان شهریده‌گی محلي حکومتدن قورال سۉردیلر و محلي حکومت اوشبو طلبنی قۉللب-قوّتلش اوچون اولرگه قورال بېردی. خوشینه خرمی، باشقه عیاللر قطاری، قورال آلگن اېنگ یاش قیز صفتیده اجتماعي ترماق فایده‌لنووچیلری اعتبارینی اوزیگه تارتدی.
جوزجانلیک یاش قیز نشانه خبرآژانسی بیلن صحبتده اېندی رمزي معناده قورال کۉتاریب یورگنینی و اگر کېرک بۉلسه و خلق قۉزغآلانیگه چقیرسه، مملکت خوفسیزلیک و مدافعه کوچلری یانیده توریشینی و طالبلرگه قرشی اېنگ یخشی جنگ قیلیشینی ایتدی.
خرمی خانم قورالنی کوتارگنی دن صورت آلیب و اجتماعي ترماقلرگه رسمی ني نشر ایتیش‌دن مقصدی خوفسیزلیک کوچلرینی قۉللب-قوّتلشینی و مدنی اېرکینلیکلریدن محروم بۉلیش و عیاللر نینگ یوتوقلری ایاغ آستیده بولیشی‌دن تشویشلنیشینی بیلدیره‌دی. اونینگ فکریچه، اگر طالبلر شِمال‌نی اېگه‌للب آلسه‌لر، سۉنگگی ۲۰ ییل ایچیده قۉلگه کیریتیلگن اېرکینلیکلر برباد بۉله‌دی.
او یاش بۉلسه-ده و طالبان دورینی اېسله‌مه‌گن بۉلسه-ده، خوشینه طالبان حکمرانلیگی حقیده‌گی حکایه‌نی عایله آقسقاللریدن اېشیتگنینی و تاریخ تکرارلنیب، اۉز اولادلرینی قمچیلشگه یاکه اویگه سالیشگه مجبور بۉلیشینی ایسته‌مسلیگینی قۉشیمچه قیلدی. خرمی خانم سۉنگگی اۉن ییل ایچیده یاش قیزلر تعلیم، سپورت، صنعت و سیاست ساحه‌سیده مثلسیز یوتوقلرگه اېریشگنلیگینی تأکیدله‌ماقده. اونینگ تأکیدلشیچه، افغان عیاللری و قیزلری اوشبو یوتوقلرنی دود بولیب هواگه کیتیشیگه یۉل قۉیمی میز دیدی.
خوشینه خرمی هلی قورال بیلن جنگ قیلمه‌گنینی، اما وضعیت شونده‌ی بولگن که، برچه اېرککلر هم، عیاللر هم اۉز وطنینی حمایه قیلیشگه تیار بۉلیشی کېره‌ک. روحی جهت‌دن اوروشدن قۉرقیش، آدملرنی پریشان قیلگن. خوشینه اشبو موصوغ‌ني اورته‌گه قویب، بو یمان وضعیت و اوروش دوریده قیزلرنی قورال آلیشی باشقه عیاللرگه روحیه بیره‌دی دیدی.
خرمی اولکه‌ده‌گی کۉپلب آدملر، اونینگ دۉستلری هم اونینگ بو حرکتینی ممنونیت بیلن قبول قیلگنی و اونینگ عایله‌سی سلبي مناسبت بیلدیرمه‌گنلیگینی توشونتیره‌دی. خوشینه نینگ تأکیدلشیچه، اوروش حالتیده جمعیت نینگ برچه قتلملری، اینیقسه قیزلر، حکومت نینگ قوراللی مخالفلری نینگ سلبي تشویقاتی تأثیری آستیده قالمسلیکلری کېرک. او آخر-عاقبت اوشبو ناخوش حالت و اوروشلر نینگ سلبی وضعیتی تینچلیککه آلیب کېله‌دی دېب امید قیلماقده.
خوشینه خرمی طالبلر تامانیدن عیاللر نینگ قنده‌ی یشیشیگه قۉیگن چېکلاولرنی قبول قیلمسلیگینی قۉشیمچه قیله‌دی. اونینگ سۉزلریگه کۉره، هېچ کیم عیاللر و قیزلر نینگ رواجلنیشیگه تۉسقینلیک قیلیشگه حقلی اېمس. عکس حالده، دېدی او، عیاللر و قیزلر اۉزلرینی حمایه قیلیش قابلیبیگه اېگه دیرلر. شونینگدېک، او باشقه یاش قیزلرگه وضعیت قیین بۉلسه، اۉزلری نینگ انساني قدریتلرینی حمایه قیلیشلری کېره‌کلیگینی توصیه قیله‌دی.
خوشینه خرمی افتیدن تینچلیک‌سیور قیز دیر. او تینچلیک امیدیده، قورالدن کوره، قلم و هنرینی افضل کۉره‌دی. خرمی اونینگ کلاشینکوفی دن اۉق آتیلمسلیگی‌نی امید قیلماقده. اما او اۉز حقوقلرینی حمایه قیلیش اوچون بوایشنی قیلیشگه تیارلیگینی ایته‌دی.
بیراق، بو سۉنگگی بېش ییل ایچیده جوزجاني عیاللری نینگ قوراللنگن گروه‌لرگه قرشی قورال آلیشلری ایکّینچی مرتبه‌سي دیر. بیرینچی مراتبه ولایتده‌گی عیاللر قوش‌تپه تومنیده داعش گروهی جنگچیلریگه قرشی قورال آلیب، بو سفر شبرعان شهریده اولر طالبان جنگچیلریگه قرشی قورال آلیشدیلر. جوزجان نینگ محلي حکومتی هم عیاللر نینگ اوشبو حرکتینی قۉللب-قوّتلشینی و اوندن حمايت ایتیشی‌نی اعلان ایتی.
