اهدای خون

خوفسیزلیک کوچلرینی قۉللب-قوّتلش؛ هرات اهالیسی ۱۰ مینگ “سی‌سی” قان ساووغه قیلدی

neshananews

23 June 2021

 هرات شهری اهالیسی مملکت خوفسیزلیک و مدافعه‌ کوچلرینی قۉللب-قوّتلش مقصدیده بیر کونلیک قان تاپشیریش کمپانینی باشله‌دی.  اوشبو کمپانده خوفسیزلیک و مدافعه‌ عسکرلری یره‌دارلری اوچون اۉن مینگگه یقین “سی‌سی” قان تۉپلنگن.

  افغانستان خوفسیزلیک کون‌اوتی بیلن یمان‌لشیب بارماقده و اوروش کۉلمی کون سیین کېنگه‌ییب باریشی کوزه‌تیلماقده.  اهالی‌نینگ سۉزلریگه کۉره‌، اهالی مملکت خوفسیزلیگی و مدافعه‌ کوچلرینی هر تامانله‌مه قۉللب-قوّتلشلری کېره‌ک.

بو کمپاین‌ني ریجه لشتیرگن احمد ارشاد نظامی کېچه‌ (سه‌شنبه‌ کونی بیرینچی سرطان) نشانه خبرآژانسی بیلن صحبت‌ده دیدی:

 “خوفسیزلیک کوچلری بیز نینگ حیاتیمیز، مال-ملکیمیز و وطنی‌میزنی حمایه‌ قیلیش اوچون حرکت قیلماقده و اوشبو کمپانینی باشلش آرقه‌لی بیز اولرگه اېنگ کم خدمت کۉرسه‌تیشنی خواهله‌یمیز”، دېدی کمپاین‌ني یولگه تشکیلاتچیلریدن بیری.

 اشتراکچی‌لردن بیری محمد ایبراهیم – بو قان تاپشیریش اوچون خوفسیزلیک کوچلرینی قۉللب-قوّتلش اوچون کېلگن کمپنی نینگ اشتراکچیلریدن بیری. او دیدی: “خوفسیزلیک کوچلری خلق نینگ یاردمیگه محتاج و بو کمپانیده قتنه‌شه‌دیگن آدملر خوفسیزلیک کوچلریگه یاردم بېریشلری و قۉللب-قوّتلشلری کېره‌ک”.  فهیم سیاوش ینه‌ بیر اشتراکچی.  جناب سیاوش خوفسیزلیک کوچلرگه قان تاپشیریش آرقه‌لی وطن دشمنلریگه قرشی کوره‌شگه خوفسیزلیک کوچ‌لرگه روحیه بیرماقچی‌میز دیدی.  مملکت خوفسیزلیک و مدافعه‌ کوچلری یره‌دارلریگه قان تاپشیریش کمپانی گه  ینه‌ اۉنلب اشتراکچیلر قۉشیلگن.

 هرات پولیس‌سی کسلخانه‌سیده‌گی قان بانکی خادملری نینگ ایتیشیچه، کمپاین نینگ بیرینچی کونیده ۱۰ مینگگه یقین “سی‌سی” قان تۉپلنگن.  قان بانکی رهبری دوکتور محمد وحید نینگ تأکیدلشیچه، کسلخانه‌ده ۵۰ مینگ سی‌سی قاننی سه‌قلش امکانیتی موجود.

  طالبان سۉنگگی پیتلرده ولایت تومنلریگه هجوملرینی کوچه‌یتیرگنی سببلی خوفسیزلیک کوچلری اوچون قان تاپشیریش کمپاینی هرات شهریده یولگه قویلگن.  خوفسیزلیک معلوماتلریگه کۉره‌، حاضرده ولایت نینگ اوچته تومنیده جنگلر دوام اېتماقده.  قان تاپشیریش کمپانی نینگ تشکیلاتچیلری و قان تاپشیریش کمپانیده قتنه‌شگنلر خوفسیزلیک کوچلری هر قنده‌ی وقتده اولر نینگ قانیگه محتاج بۉلیشلری ممکن.