خوفسیزلیک کېنگاشی: آلمان ملي پولیس ني تعلیم بیریشیده افغانستان بیلن همکارلیک قیلهدی
ملي خوفسیزلیک کېنگاشی رسميلری نینگ تأکیدلشیچه، آلمان فدرال حکومتی ملي پولیس قوتلرینی تیارگرلیکدن اوتکزیش بویچه افغانستان حکومتی بیلن همکارلیکنی دوام اېتتیرهدی.
ملي خوفسیزلیک کېنگاشی سوزچیسی رحمتالله اندر بوگون (۹-سرطان، چهارشنبه ) اۉزی نینگ تویتتر-دهگی صحیفهسیده آلمان نینگ افغانستاندهگی حربي اشتراکی کېچه توگهگنی، اما افغانستان بیلن همکارلیگی دوام اېتیشینی یازگن.
جناب اندر، آلمان سۉنگگی ۲۰ ییل دوامیده افغانستان حکومتی بیلن همکارلیک قیلیب کېلگنینی و ملي پولیس قوتلری تعلیمبیریش و حربی ملکهلرینی آشیریشده همکارلیگیني ینهده دوام اېتیریشیدن ایشانچ بیلدیرگن.
آلمان مدافعه وزیری کېچه بومملکت نینگ افغانستاندهگی حربي اشتراکی توگهگنلیگینی اعلان قیلدی. سۉنگگی ۲۰ ییل ایچیده آلمان حربیلری قاطع ماموریت دایرهسیده افغانستانده خذمت قیلگن.