خوفسیزلیک کېنگاشی نینگ شاشیلینچ ییغیلیشی؛ ب‌م‌ت مخصوص وکیلی افغانستانده‌گی بشری فاجعه حقیده آگاهلنتیردی
neshananews
07 August 2021بیرلشکن‌ملتللر‌تشکیلاتی خوفسیزلیک کېنگاشی افغانستانده‌گی خوفسیزلیک حالتی بۉییچه شاشیلینچ ییغیلیش اۉتکزدی.
یوناما خبرنامه‌سیگه کۉره، یغیین کېچه ( جمعه ۱۵ اسد) بۉلیب اۉتدی. اوچره‌شووده بیرلشکن‌ملتللر‌تشکیلاتی خوفسیزلیک کېنگشی اعضالری، جمله‌دن امریکا، بریتانيا و چین وکیللری اشتراک اېتدی.
اوچره‌شووده ویدویو‌کنفرانس آرقه‌لی گپیرگن بیرلشکن‌ملتللر‌تشکیلاتی نینگ افغانستان بۉییچه مخصوص وکیلی دیبورالیونز لیان افغانستانده بشری فاجعه یوز بېریشی حقیده آگاهلنتیردی.
یوناما معلوماتلریگه کۉره، لیونز خانیم نینگ ایتیشیچه، سۉنگگی آیلرده افغانستان تینچلیک جریانی امیدسیز تیقیلیب قالگن و زۉرآورلیک اوزاق تومنلردن شهرلرگه ترقه‌لیب کېتگن.
او طالباننی انسان حقوقلری نینگ کېنگ بوزیلیشیده و تینچ اهالی نینگ اۉلدیریلیشیده عیبله‌دی و بیر هفته‌دن کم وقت ایچیده هلمند ولایتیده گروه هجوملریدن سۉنگ ۱۰۰ دن آرتیق تینچ اهالی اۉلدیریلگنینی ایتدی.
بیرلشگن ملتلر تشکیلاتی نینگ مخصوص وکیلی طالبان نینگ ییریک شهرلرده‌گی هجوملرینی آلدینی آلیش اوچون بیرلشکن‌ملتللر‌تشکیلاتی خوفسیزلیک کېنگاشینی زودلیک بیلن چاره‌لر کۉریشگه چقیردی. اونینگ تأکیدلشیچه، کېنگاش افغانستان نینگ ییریک شهرلریده طالبان هجوملری یوزه‌سیدن شاشیلینچ قرار قبول قیلیشی کېره‌ک.
خانم لیونز شونینگدېک، کېنگاش اعضالرینی طالباننی افغانستانده تینچلیک مذاکره‌لرینی دوام اېتتیریشگه و آتش‌کیسیم تامین‌لشده ترغیب ایتیش‌ده چقیردی.
طالبان آخرگی ایکّی هفته‌دن بېری هرات، هلمند، نيمروز، قندهار، تالقان و شبرغان شهرلریگه هجوملرینی کوچه‌یتیرماقده.
