دانش، اسماعیل خان نینگ طالبانگه قرشی توریشگه تیارلیگی تۉغریسیده اعلان‌نی آلقیشلدی
neshananews
10 July 2021مملکت جمهور رئیسی ایکّینچی اۉرین‌باسری سرور دانش مملک غربيده‌گی”جمعیت اسلامي” حزبی نینگ نفوذلی رهبرلریدن بیری بۉلگن محمد اسماعیل‌خان نینگ طالبانگه قرشی کوره‌شیش حقیده‌گی اعلانینی ممنونیت بیلن قبول قیلگن.
جناب دانش بوگون ( شنبه ۱۹ سرطان) اۉزی نینگ فیسبوک-ده‌گی صحیفه‌سیده اسماعیل خان ینگی تیزیم و اساسی قانون نینگ اساسچیلریدن بیری اېکنلیگینی و اونینگ طالبانگه قرشی موقع‌سی تحسین‌گه لایقلیگینی یازگن.
جناب دانش برچه سیاسي رهبرلرنی و مردمی گروه‌لرنی او “طالبان جنگ طلب قشونی” دېب اته‌گن نرسه‌گه قرشی سفربر بۉلیشگه چقیره‌دی. جمهور رئیس ایکّینچی اۉرین‌باسری نینگ سۉزلریگه کۉره، حاضرگی پیتده مملکت تیزیمی نینگ امان قالیشی خوف آستیده و اهالی، مملکت تیزیمنی سه‌قلب قالیش اوچون خوفسیزلیک کوچلری بیلن بیر قطارده سفربر بۉلیشی کېره‌ک.
اېسله‌تیب اۉتمیز، محمد اسماعیل خان طالبان‌ني مملکت غربی حدودلریگه قرشی حربی حرکتلریدن تنقیدلب و اۉز طرفدارلرینی اوشبو گروه‌گه قرشی سفربر قیلگن.
آلدینراق شِمالده جایلشگن جمعیت حزبی نینگ نفوذلی رهبرلریدن بیری عطا محمد نور، جنبش ملي حزبی نینگ رهبری مارشال عبدالرشید دۉستم و اسلامی وحدت حزبی نینگ رهبری محمد محقق هم بلخ، جوزجان و سمنگان ولایتلریده‌گی طالبلرگه قرشی طرفدارلرینی قوراللنتیرگن.
