دانش: طالبلر سیاسي حاکمیتنی زۉرلیک بیلن ایگللب‌آلماقچی
neshananews
30 June 2021افعانستان جمهور رییس ایککینچی اۉرین‌باسری سرور دانش، طالبان، سیاسي اېچیم و خلق نینگ حاکمیتده اشتراک اېتیش اصوللریگه ایشانمه‌یدیلر و مملکت سیاسي حاکمیتینی کوچ بیلن ایگللب‌آلیش‌ده اینتیلماقده دیب ایتکن.
جناب دانش بوگون (چهارشنبه ۹ سرطان ) کابل‌ده بولیب اوتکن بیر ییغین‌ده، طالبان تینچلیک شعاریدن سوءاستفاده قیله‌یاتگنینی اورغولشکن. اونینگ سۉزلریگه کۉره، طالبان مذاکره چوکی‌سیدن قاچیب، زۉروانلیکنی کوچه‌یتیرگن. جناب دانش نینگ سۉزلریگه کۉره، بو گروه سیاسي اېچیمگه ایشانمه‌یدی.
جناب دانش نینگ تأکیدلشیچه، طالبان بیران بیر قومی گروه وکیلی اېمس و ولایتلر نینگ برچه قومی گروه‌لریگه قرشی کوره‌شماقده. اونینگ سۉزلریگه کۉره، حکومت باشقرووی دایره‌سیده طالبانگه قرشی توریش اوچون ملي سفربرلیک ضرور دیر.
جمهور رییس ایککینچی اۉرین‌باسری، طالبان‌ني‌دعوت کمیسیونی مسوولی امیر خان متقی نینگ دایکندی‌ولایتی کجران تومنی اهالیسینی گروه‌گه قۉشیلیش حقیده‌گی التماسیگه توختلیب، طالبان ۸۰نچی-ییللرده بېش ییللیک حکمرانلیگی دوریده هم، سۉنگگی ۲۰ ییل ایچیده هم شیعه‌لر و هزاره‌لر قاتلی اوله‌راق دایم اولرنی نشانگه آلگن. اونگه کۉره افغانستان شیعه‌لری و هزاره‌لری طالبانگه قرشی کوره‌ش آلیب باره‌دیلر.
جناب دانش بو اظهارات نی اوندای بیرحالده بیان ایتکن که سۉنگگی پیتلرده طالبان مملکت نینگ اکثریت ولایتلریده زۉروانلیکنی شدت‌بیرگن. باشقه تماندن، خارجي کوچلر بیرن-کېیتن افغانستاننی ترک اېتماقده. خوفسیزلیک ارگانلر اېسه طالبانگه قرشی کوره‌شنی دوام ایتیریشلریدن ایشانچ بیلدیرماقده‌لر.
