دوستم

دۉستم: طالبانگه قرشی کورش اوچون برچه‌ امکانیت‌دن فایده‌لنیش کېره‌ک

neshananews

27 June 2021

 جمهور رییس سابق اۉرین‌باسری مارشال عبدالرشید دۉستم، خلق قۉزغآلان کوچلرنی خطابلب ، طالبلرگه قرشی توریش اوچون همه‌ امکانیتلردن فایده‌لنیشلری کېره‌کلیگینی تاکیدلشکن.

 ملي یره‌شیش عالي کېنگاشی بیرینچی اۉرین‌باسری عنایت‌الله بابر فرهمند بوگون (۶ سرطان، یکشنبه‌) اۉزی نینگ تویتر-ده‌گی صحیفه‌سیده دۉستم جنابلری تېلفون آرقه‌لی صحبتده اوشبو مسأله‌نی کۉتارگنینی یازگن.

 جناب فرهمند نینگ سۉزلریگه کۉره‌، مارشال دۉستم ساغلگندن سونگ خلق نینگ سفربرلیک کوچلری خوفسیزلیک کوچلری یانیده توریشی و طالبانگه قرشی کوره‌شیشی کېره‌کلیگینی تاکیدلشکن.  او، طالبانگه قرشی کوره‌شیش اوچون برچه‌ امکانیتلرنی ایشگه سالیش کېره‌کلیگینی هم ایتکن.

 جناب فرهمند نینگ سۉزلریگه کۉره‌، جمهور رئیس سابق اۉرین‌باسری یقینده افغانستانده بۉلیشینی و خوفسیزلیک کوچلری صفیگه قۉشیلیشینی تأکیدله‌ماقده.

 بوندن ایکّی هفته‌ آلدین جوزجانده اوروش میدانی ایلک صفیده بۉلگن مارشال دۉستم یقینده تورکيه‌گه سفر قیلدی.  ایشیلیچه، مارشال دۉستم و اونینگ اۉغلی یار محمد دۉستم اوروش جبهه‌سیده بۉلگنیده زهرلنگن.  مارشال دۉستم گه یقین منبعلر بو حقده حلی هېچ نرسه‌ ایتمگن.

 “جمعیت-اسلامي” حزبی‌رهبری عطا محمد نور و جمهوررییس نینگ سیاسي و خوفسیزلیک بۉییچه‌ یوقاری درجه‌ده‌گی مصلحتچیسی محمد محقق هم  بلخ و سرپل ولایتلریده طالبانگه قرشی کوره‌شماره..

 سۉنگگی پیتلرده مملکت نینگ شمالي ولایتلریده هجوملرینی کوچه‌یتیریب، اۉنلب تومنلرنی اېگه‌للب آلگن طالبانگه قرشی کوره‌شده اوشبو نفوذلی خلق رهبرلری بیرینچی ا‌ۉرینده توردیلر.