رحمانی، حکومتنی خلق کوچلرینی مبلغ بیلن تأمینلش و جهازلشگه چقیره‌دی
neshananews
21 June 2021ولسی‌جرگه‌رییسی میر رحمان رحمانی طالبان هجوملری تاباره کوچه‌ییب باره‌یاتگن مناسبت بیلدیریب، حکومت طالبانگه قرشی خلق قۉزغآلانلرینی مالیه‌لشتیریشی و جهازلشی کېره‌کلیگینی ایتدی.
جناب رحمانی بوگون (۳۱-جوزا، دوشنبه) ولسی‌جرگه نینگ عمومی مجلسیده خارجی قوتلرنی افعانستان‌دن چقیب‌کیتیشی باشلنگنی بیلن بوتون مملکت بۉیلب طالبان هجوملری کۉپه‌یگنینی ایتدی.
جناب رحماني مملکت نینگ تورلی تومنلریگه طالبان هجوملری افغانستان نینگ حدودي یخلیتلیگیگه تهدید ساله‌یاتگنینی قۉشیمچه قیلدی. اونگه کۉره، خلق قۉزغآلانچیلری نینگ خوفسیزلیک کوچلری بیلن بیر قطارده مملکتنی حمایه قیلیش اوچون آلیب بارگن کوره‌شی جوده مهم‌دیر.
ولسی‌جرگه رییسی، حکومتنی خلق قۉزغآلانچیلرینی مالیه‌لشتیریش و جهازلشگه چقیره‌دی. اونگه کۉره، حکومت خوفسیزلیک کوچلری بیلن بیر قطارده خلق قۉزغآلان کوچلرینی تۉغری باشقه‌ریشی کېره‌ک. اونینگ سۉزلریگه کۉره، اگر اوشبو کوچلر تۉغری باشقه‌ریلمسه، اولر کېله‌جکده حکومت اوچون ینگی تهدیدگه ایلنیشی ممکن.
عینِ پیتده پروان، تخار، بغلان و فاریاب ولایتلریده طالبلرگه قرشی خلق قۉزغآلان کوچلری سفربر قیلینگن. ملي مدافعه وزیری، شونینگدېک، خوفسیزلیک اداره‌لری طالبانگه قرشی خلق قۉزغآلان کوچلرینی جهازلش اوچون چاره‌لر کۉریشیگه وعده بېردی.
