رحمانی: خلق قۉزغآلان کوچلری محلي اوردو ترکیبیده منتظم بولیشی کېرهک
ولسیجرگه رییسی میر رحمان رحمانی طالبانگه قرشی عامهوي سفربرلیک کوچهیگنلیگینی مختوگه سزاوار اتب، اوشبو کوچلر محلي اوردو دایرهسیده تشکیل قیلینیشی کېرک لیگینی ایتکن.
جناب رحمانی بوگون (سرطان۷، دوشنبه ) ولسیجرگه عمومی مجلسیده اوشبو مسألهنی کۉتاردی. جناب رحمانی محلي اوردو ترکیبیدهگی اۉز-اۉزیدن پیدا بۉلهدیگن کوچلر مدافعه وزیرلیگی دایرهسیده تشکیل اېتیلیشی کېرهکلیگینی اورغولشکن.
ولسیجرگه رییسی خوفسیزلیک ادارهلری مملکت خوفسیزلیگی و مدافعه کوچلری بیلن بیر قطارده عامهوي سفربرلیک گروهلرینی تشکیل قیلیش آرقهلی طالبان حرکتینی توختهتیشی کېرهکلیگینی قۉشیمچه قیلدی. او طالبلر تومنلر قولهشیدن جدی تنقید قیلیب ولسیجرگهنینگ ایچکی خوفسیزلیک کمیسیونسیگه تومن قولهشی سببلرینی تېکشیریشنی بویورهدی.
میر رحمان رحمانی طالبلر تمانیدن فاریاب و پروان ولایتلریده عامه انشاعاتلر و ویران ایتیلگنیگه توختهلیب فاریاب ولایتی اندخوی تومنی و پرواندهگی سیاهگرد بازارلری اوت آلگنینی اوروش قانونلری و خلقارا انسانپرورلیک اصوللرگه ضد اېکنلیگینی تأکیدلهدی. اونگه کۉره، طالبان اوشبو بوزغونچیلیک حرکتلریدن وازکیچیشلری کېرهک.
اۉتگن هفته طالبلر فاریاب ولایتی اندخوی تومنی و پروان ولایتی نینگ غۉربند واديسیدهگی سیاهگرد تومن بازارلرینی یاقیب یوباریشدی. خبرلرگه کۉره، فاریاب نینگ اندخوی تومنیدهگی یوزدن آرتیق دوکان و ۲۰ تورر-جای اویی طالبان جنگریلری تمانیدن یاقیب یوباریلگن. اوشبو حرکت اهالی نینگ کېنگ مناسبتلریگه دوچ کېلدی.