رحمانی: دولت‌نینگ طالبان‌گه نسبتن مناسبتی اوزگرسین
neshananews
07 June 2021افعانستان ولسی‌جرگه رییسی میررحمان‌رحمانی، طالبان‌نینگ هجوملری و مملکت بویلب یوزبیره‌یاتکان پارتلش‌لر سطحی کوتاریلگنی سبب، طالبان‌ني صلح و تینچلیک‌گه ایشانچلری یوقلیگی‌دن درک بیره‌دي دیب ایتکن. او دولت‌دن بوگروه‌گه نسبتن مناسبتی و یانداشیشی‌ني اوزگرتیریشی ني طلب ایتکن.
رحمانی جنابلری بوکون ( دوشنبه ۱۷ جوزا) ولسی جرگه عمومی یغینده فاریاب، بادغیس و غور ولایتلریده طالبان‌نینگ هجوملری کوپیگنی‌دن تنقیدلشکن.
رحمانی جنابلریگه کوره طالبان‌نینگ حربی مرکزلرگه قرشی هجوملری کوپیگنی و عادی اهالیگه قرشی بو گروه‌ني قانلی هجوملری شدت آلگنی، بو گروه نی صلح گه نسبتن ایشانچی یوقلیگی دن درک بیره‌دي.
رحمانی جنابلری مملکت نینگ امنیتی ارگانلری موجود قابلیت و امکانیت‌لردن فایده‌لنیب طالبان‌گه قرشی اوروش مدیریتی ده کیرکلی اوزگریشلرنی کیلتیریشلری لازم دیب تاکیدلشکن. رحمانی جنابلری طالبان گروهی‌گه قرشی امنیتی قوتلر تمانیدن کیسکین مناسبت کورستیلیشی ایستشکن.
اوتکن ایککی هفته جریانیده طالبان گروهی، فاریاب‌ني قیصارتومنی و غور ولایتی‌ني شهرک تومنی‌ني تصرف ایتکن. عینی دمده بادغیس ولایتی‌نینگ بیرتومنی هم طالبان نظارتي‌گه اوتکن.
بو هجوملر اوندای بیرحالده کوپیگن که افعانستان تینچلیک آقیمی اوچون ینگی حرکتلر باشلنگن.تازه‌لیکده افعانستان دولتی نینگ مذاكره‌قیلوچی هیاتی قطرگه بارگن و بو هیات طالبان نماینده‌لری بیلن توغریدن توغری مذاكره‌لرنی باشله‌ماقچی.
امریکانی افعانستان تینچلیک آقیمی اوچون مخصوص نماینده‌سي زلمی‌خلیل‌زاد هم کابل گه کیلگن و دولت‌نینگ عالی رتبه‌لي مقام‌لری بیلن اوچرشیب ملاقات قیلگن. او کابل‌دن سونگ قطر پایتختی دوحه شهریگه باریب طالبان و افعانستان دولتی هیاتلری ارا مذاکره‌لر باشلنیشی زمینه‌سيني یرتماقچی.
