طالبان گروهی رمضان آیی ده زوروانلیک دن قول تارتمی هجوملرینی دوام ایتیرماقده. فاریاب ولایتی امنیتی قوتلری گه کوره رمضان آیی ایککنچی کونیده بو ولایت نینگ قیصار والمار تومنلریده یوزبیرگن اوچ واقعه ده تورت عادی اهالی اولدیریلیب و اون گناه سیزاهالی هم یاره لنگن. قربان بولگن لر آره سیده عیال و باله لرهم داخل.

 فاریاب پولیسی سوزچی سی کریم یورش نشانه خبرآژانسی بیلن صحبت ده، قیصارتومنی « کوهی » قشلاقی ده طالبان تمانیدن آتیلگن هاوان بیراویده پارتلیشی نتیجه سیده ۲ ایرکک اولدیریلیب، ۴ باله و ۲ عیال هم جراحت کورگن. بو واقعه اوتکن کیچه ( جمعه ۵ ثور) طالبان و امنیتی قوتلر ارا  توقنشو پیتیده یوز بیرگن.

 فاریاب پولیسی سوزچی سی علاوه ایتی المار تومنی ده یوزبیرگن باشقه بیر واقعه ده طالبان تمانیدن جایلشتیریلگن بیرماین پارتلیشی عادی اهالی دن بیرکیش جان نی آلیب و بیرکیشی نی یاره لنتیرگن.

اکثرحال لرده طالبان امنیتی قوتلرگه صدمه یتکزیش اوچون قتناو یوللرده ماین جایلشتیره دی اما عموما بو ماین لر پارتلیشی نتیجه سیده عادی اهالی قربان بوله دی.

فاریاب ولایتی امنیتی مسوللریگه کوره قیصار اولسوال لیگی نی « صوفی قلعه» قشلاقی ده هم طالبان جنگچی لری آتشمه سی سبب بیرکیشی اولیب و اوچ کیشی عادی اهالی جراحت آلگن.

 قیصار و المار تومن لری فاریاب ولایتی نینگ ناتینچ تومنلریدن حساب لنه دی. بو تومنلرنینگ تاغلیک ایکن لیگی سبب دولت مخالف لری دایمی قرارگاه لرینی تاغلیک حدودلرده ایجاد ایتکن.

عینی حالده فاریاب امنیتی مسوللری قیصار اولسوال لیگی حدودیده « شاهین ۱۱۶» ناملنگن حربی عملیات بو تومن نی مخالف لردن تازه لش مقصدیده باشلنگنی دن خبر بیرگن.

 بوندن آلدین افغانستان دولتی رمضان مبارک آیی حرمتی اوچون طالبان دن بیرآیلیک آتش کیسیم برقرار ایتیشی نی طلب ایتکندی اما بو گروه دولت طلبی نی رد ایتیب هجوملرینی دوام ایتیرماقده.