زَهرا ظهیر بیرلشگن ملتلر تشکیلاتی و امریکاگه: بیزگه پناه بیرمنگ، باش‌پناه‌میزنی خوفسیز قیلینگ
neshananews
19 July 2021یقینده امریکا قۉشمه ایلتلری افغانستانده‌گی ۲۰۰۰ ضررکورووچی عیاللرگه باش‌پناه ویزه‌لری بېریلیشینی اعلان قیلدی. بیر قطار عیاللر و مدنی گروهلری امریکا قۉشمه ایالتلر نینگ بو حرکتینی معقوللشدی. بلخ ولایتی پولیس خادیمی زَهرا ظهیر امریکا نینگ بو حرکتیگه قرشی اېکنلیگینی بیلدیردی. او امریکا و بیرلشگن ملتلر تشکیلاتیگه مراجعت قیلیب، ۲۰۰۰ آسیب‌پذیر عیاللرگه ویزه بېریش افغان عیاللری معماسینی حل قیله آلمه‌سلیگینی ایتدی.
ظهیر خانم بیرلشگن ملتلر تشکیلاتی، امریکا و اونینگ اتفاقچیلریگه یۉلله‌گن مکتوبیده “بیزگه باش‌پناه بیرمنگ، باش‌پناه‌میزنی خوفسیز حالگه کېلتیرینگ” دېب یازگن. حاضر بو شعار بیر قطار اجتماعي ترماق فایده‌لنووچیلری، شو جمله‌دن فیسبوک فایده‌لنووچیلری اوچون هشتک گه ایلنگن.
آچیق خط نینگ بیر قِسمیده افغانستان اهالیسی نینگ یرمی عیاللر اېکنلیگی و امریکا اۉز اعتبارینی یالغیز ۲۰۰۰ تنیقلی عیاللرگه چېکلب قۉیمسلیگی کېره‌کلیگی ایتیلگن. مکتوب افغانستان نینگ چېکّه ولایتلری، تومنلری و قیشلاقلریده یه‌شاوچی عیاللر مشقت و کونده‌لیک حیاتلریدن حکایه قیلگن. اوشبو خط مؤلفی نینگ سۉزلریگه کۉره، قیشلاق عیاللری اۉزلری نینگ مدنی و انسان حقوقلریدن بې‌خبر حالده نهایتده ایرکک سالار محیط‌ده یشه‌یدیلر.
نشانه خبرآژانسی بیلن صحبت ده، بو عیال پولیس اوشبو خطنی یازیشدن مقصد حلی هم قانوني یاشگه اېتمسدن تورموش قوره‌یاتگن یاکه قییناققه سالینه‌یاتگن و جنسي استثمار قیلینه‌یاتگن عیاللر نینگ آوازینی کۉتاریش اېکنلیگینی ایتکن. اونینگ سۉزلریگه کۉره، امریکا بیر قطار عیاللر و مدنی فعاللریگه ویزه بېریش آرقه‌لی افغان عیاللری حیاتی نینگ حقیقتیدن قاچیب قوتولماقده. ظهیر خانم نینگ تأکیدلشیچه، افغانستان ۲۰۰۰ عیالدن عبارت اېمس. او تنیقلی عیاللرگه قره‌گنده تعلیمدن ییراق عیاللرنی ضعیفراق دېب بیله‌دی.
زَهرا ظهیر طالبان مملکتنی ینه باشقه‌ریشینی ایسته‌مه‌یدی. اونینگ فکریچه افغانستانده‌گی طالبلر تفکر محیطی‌ده کتّه شهر و قیشلاقلرده عیاللر نینگ برچه یوتوقلری و قدریتلری تاش‌بۉرانلیک و جهالت دوریگه قَیته‌دی. زهرا نینگ تأکیدلشیچه، افغان عیاللری آواره‌لیک، مهاجرت و کۉچیش تجربه‌سیگه اېگه و بو اچّیق تجربه‌نی تکرارلشنی ایسته‌مه‌یدیلر.
لومری سارن زَهرا ظهیر سۉنگگی آلتی ییل دوامیده بلخ پولیس قوماندانلیگیده ایشله‌یدی. حاضرده او بلخ پولیس‌قوماندانلیگی عیاللرگه نسبتاً زۉرآورلیک نینگ آلدینی آلیش دیپارتمنتی باشلیغی بۉلیب ایشله‌یدی. ظاهر خانم تورکيه‌ده و افغانستان ایچیده قیسقه مدتلی حربي تیارگرلیکدن اۉتکزگن. او حقوق و سیاسي فنلر فاکولته‌سینی توگه‌تگن.
زَهرا خانم نینگ تأکیدلشیچه، اونینگ پولیس صفلریده خدمت قیلیشدن مقصدی جمعیت حقیقتلریدن خبردار بۉلیشدیر. او جمعیت نینگ عیال پولیس‌چیلر نینگ رۉلیگه بۉلگن نقطه‌ی نظرینی اۉزگرتیریشگه حرکت قیلماقده. باشقه بیر قطار قیزلر زَهرا نینگ مصلحتی بیلن پولیس صفیگه قۉشیلیشدی. لومری سارن زَهرا ظهیر قۉشیمچه قیلیشیچه، حربي عیاللرگه کۉپراق تروریستی گروهلر خوف ساله‌دی و بو کسبنی ترک اېتیش بیلن بیر نېچه بار تهدید قیلینگن، اما او وطنیدن چیقمسدن خدمت قیلیشده دوام اېتیشینی تأکیدله‌ماقده.
اونینگ سۉزلریگه کۉره، افراطی گروهلر و جمعیت تفکریتی عیاللرگه نسبتاً قره‌شلرینی اۉزگرتیریشی اوچون کۉپراق عیاللرنی خبردار قیلیش کېرک. زَهرا نینگ ایتیشیچه، او و اونینگ تېنگداشلری بیر عمر قییناققه سالینگن و افراطیت و ایرکک‌سالار قره‌شلر قربانیگه ایلنگن عیاللرگه یاردم بېریشگه سعی‌قیلماقده. زَهرا اوشبو خطنی یازیش اونینگ شخصي فکری و قراری اېکنلیگینی توشونتیره‌دی و افغانستان اهالیسی نینگ یرمینی قۉللب-قوّتلاوچی حربي عیال صفتیده آوازینی کوتارماقچی.
عیال پولیس خادمی مملکتده خوفسیزلیکنی تأمینلش اوچون بیرینچی نوبتده دنیاده‌گی طالبان رهبرلری و طرفدارلری نینگ بانکده‌گی حساب رقملرینی تۉسیب قۉییش، اوشبو گروه رهبرلرینی ب م ت خوفسیزلیک کېنگاشی قاره رۉیخطیگه کیریتیش و بیران بیر مملکت کیرمسلیگی کېره‌کلیگینی قۉشیمچه قیلدی. اونینگ سۉزلریگه کۉره، اوشبو گروه اعضالری اوچون ایکّینچی وریانت – زۉرآورلیکنی توخته‌تیش و انساني و مدنی قدریتلرینی حرمت قیلیشدیر.
زَهرا ظهیر نینگ تأکیدلشیچه، ایگیرمه ییللیک خونرېزلیک، اۉز خودکش هجوم و پارتلشلردن سۉنگ افغانستان حکومتی اوشبو گروه بیلن مذاکره‌لر چوکییگه قتنه‌شیش شرط قۉییشی کېرک؛ ظاهر خانم توشونتیریشیچه، سۉنگگی ۲۰ ییل ایچیده افغانستان نینگ کۉپلب اداری قوریلمه و عامه توزیلمه‌لری اوروشده ویران قیلینگن و بو هلاکت اوچون طالبان جوابگر بۉلیشی کېرک.
سۉنگگی ۲۴ ساعت ایچیده اوشبو عیال پولیس‌چی نینگ مکتوبیگه یوزدن آرتیق فیسبوک فایده‌لنووچیلری مخصوص هشتک بیلن همراه بۉلیشدی. اما حاضرچه هېچ بیر مدنی جماعه بونگه مناسبت بیلدیرمه‌گن. زَهرا بیر قطار سیاستچیلر و تنیقلی شخصلر اونینگ مکتوبی و التماسینی قۉللب-قوّتلشیگه امید قیلماقده.
