ساغليك ني سقلش وزيرليگي: اوچ ميليون باله پوليوكسل ليگي واكسني دن محروم قالگن
neshananews
20 May 2021عامه ساغليك وزيرليگي سرپرستي وحيد مجروح گه كوره افغانستان ده اوچ ميليون باله پوليو كسلليگي واكسني دن محروم قالگن.
عامه ساغليك وزيرليگي بوكون ( پنجشنبه ٣٠ ثور) بيرخبرنامه نشر ايتيب عامه ساغليك وزيرليگي سرپرستي دن نقل قيليب يازگن بيرقطار ولايت لرده ناتينچليك لر و طالبان تمانيدن بولگن ممانعت لر سبب مملكت ده اوچ ميليون باله گه پوليو واكسني تطبيق بولمگن.
بو توغريده تشويشلر اونداي بيرحالده ينگره ماقده كه جاري شمسي ييل جريانيده مملكت شرقيده جايلشكن ولايت لرده پوليو كسل ليگي ني يوقتيركن واقعه لر كوزتيلگن.
هرچند طالبان گروهي سياسي معاوني ملا عبدالغني برادر جهان ساغليك ني سقلش تشكيلاتي رييسي بيلن اوچرشكنده طالبان حاكميتي آستيده بولگن منطقه لرده پوليو واكسني تطبيق ايتيليشي دن وعده بيرگندي اما كورينيشي دن بو وعده گه عمل بولمگن.
بوندن ايككي آي آلدين بوتون مملكت ده پوليو واكسني تطبيق ايتيليشي كمپاينيده عامه ساغليك وزيرليگي بيرقطار ملازملري قوراللي لر تمانيدن اولديريلديلر.خوفسيزليك تهديدلر سبب پوليو واكسني تطبيق ايتليش دستوري بير قطار ولايتلرده جدي معمالرگه دچار بولگن.
